Soybean Rate : सोयाबीन बाजारात काय घडलं?

आंतरराष्ट्रीय बाजारात सोयाबीनचे दर मागील पाच दिवसांमध्ये जवळपास २० सेंटने सुधारले आहेत. सूर्यफुलाचे कमी झालेले दर आणि अमेरिकेचे जैव इंधनाचे धोरण, यामुळे सोयाबीन दर तुटले होते.
Soybean Rate
Soybean Rate Agrowon

पुणेः आंतरराष्ट्रीय बाजारात आज सोयाबीन दर (Soybean Rate) काहीसे सुधारले होते. तर सोयातेल आणि सोयापेंडचे दर (Soymeal Rate) काहीसे स्थिर होते. मात्र देशात काही बाजारांमध्ये सोयाबीन दरात (Soybean Market Rate) काहीशी सुधारणा पाहायला मिळाली. आज काही बाजारांमध्ये सोयाबीन दर क्विंटलमागे ५० ते १०० रुपयाने सुधारले आहेत.

Soybean Rate
Soybean Rate : चीन कोरोना निर्बंध पूर्णपणे उठवण्याची शक्यता

आंतरराष्ट्रीय बाजारात सोयाबीनचे दर मागील पाच दिवसांमध्ये जवळपास २० सेंटने सुधारले आहेत. सूर्यफुलाचे कमी झालेले दर आणि अमेरिकेचे जैव इंधनाचे धोरण, यामुळे सोयाबीन दर तुटले होते. मात्र चीनमधील काही शहरांमध्ये कोरोना निर्बंध शिथिल होत आहेत, तसेच अर्जेंटीनातील काही राज्यांमध्ये उष्ण आणि कोरडे हवामान असल्याने सोयाबीनचा गेल्यावर्षीच्या तुलनेत माघारला आहे. याचा सकारात्मक परिणाम सोयाबीनच्या दरावर झाला आहे.

Soybean Rate
Soybean Rate : सोयाबीन सुधारण्यास अनुकुल स्थिती

सोयाबीन दर एक डिसेंबरच्या १४.२५ डाॅलर प्रतिबुशेल्सवरून १४.४५ डाॅलरपर्यंत पोचले. अमेरिकेने जैव इंधन धोरणात सोयातेल वापर वाढविण्याचा निर्णय घेतल्यास सोयातेल आणि सोयाबीन दरात वाढ होऊ शकते, असा अंदाज सोयाबीन बाजारातील अभ्यासकांनी व्यक्त केला आहे.

Soybean Rate
Soybean Rate : हिंगोलीत सोयाबीनला सरासरी ५२१० रुपये दर

आज देशातील बाजारात जवळपास २ लाख ६० हजार क्विंटल सोयाबीन विक्रीसाठी आले होते, अशी माहिती व्यापारी आणि प्रक्रिया प्लांट्सनी दिली. गेल्या काही दिवसांपासून सोयाबीनचे दर दबावात आल्यानंतर शेतकऱ्यांनी बाजारातील आवकही कमी केली. आज काही बाजारांमध्ये सोयाबीन दर क्विंटलमागे ५० ते १०० रुपयांनी सुधारले होते. आज देशात सरासरी ५ हजार २५० ते ५ हजार ६०० रुपयाने सोयाबीनचे व्यवहार झाले.

प्रक्रिया प्लांट्सेच दरही आज ५० ते १०० रुपयांनी वाढले होते. आज मध्य प्रदेशातील प्रक्रिया प्लांट्सचे दर प्रतिक्विंटल ५ हजार ४०० ते ५ हजार ७०० रुपयांच्या दरम्यान होते. तर महाराष्ट्रातील दर ५ हजार ५०० ते ५ हजार ७५० रुपयांवर पोचले होते.

दर सुधारणार का?

सध्या आंतरराष्ट्रीय खाद्यतेल बाजार दबावात आहे. तसेच सोयाबीनमधील तेजीही टिकताना दिसत नाही. खाद्यतेलाचे दर सुधारण्याचा अंदाज व्यक्त केला जात आहे. असे झाल्यास सोयाबीनलाही आधार मिळू शकतो.

त्यामुळे सध्या दबावात दिसत असलेले देशातील सोयाबीन दरही सुधारतील, असा अंदाज जाणकारांनी व्यक्त केला आहे. सोयाबीनची दरपातळी चालू हंगामात किमान सरासरी ५ हजार ते ६ हजार रुपयांच्या दरम्यान राहू शकते, असा अंदाज सोयाबीन बाजारातील अभ्यासकांनी व्यक्त केला आहे.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
logo
Agrowon
www.agrowon.com