Monsoon rains in 245 boards in Marathwada | Agrowon

मराठवाड्यातील २४५ मंडळांत पावसाची रिपरिप

टीम अॅग्रोवन
मंगळवार, 17 जुलै 2018

औरंगाबाद : मराठवाड्यातील ४२१ मंडळांपैकी जवळपास २४५ मंडळांत सोमवार (ता. १६) सकाळपर्यंतच्या चोवीस तासांत पावसाने हजेरी लावली. तुरळक, हलका तर चार-दोन ठिकाणी मध्यम स्वरूपाचा असलेल्या या पावसाची रिपरिपही काही भागात सुरू होती.

औरंगाबाद : मराठवाड्यातील ४२१ मंडळांपैकी जवळपास २४५ मंडळांत सोमवार (ता. १६) सकाळपर्यंतच्या चोवीस तासांत पावसाने हजेरी लावली. तुरळक, हलका तर चार-दोन ठिकाणी मध्यम स्वरूपाचा असलेल्या या पावसाची रिपरिपही काही भागात सुरू होती.

सोमवार सकाळपर्यंतच्या पावसानुसार नांदेड जिल्ह्यातील तीन, उस्मानाबादमधील एक, व हिंगोली जिल्ह्यातील एका तालुक्‍यात पावसाची हजेरी थोडी बरी राहिली. औरंगाबाद जिल्ह्यातील ६५ पैकी ३१ मंडळांत तुरळक ते हलक्‍या स्वरूपाची हजेरी पावसाने लावली. सोमवारी दुपारी पैठण तालुक्‍यातील जायकवाडी व पैठण परिसरात महिनाभरानंतर प्रथम पावसाने जोरदार हजेरी लावली. तर औरंगाबाद शहर व परिसरातही दुपारपर्यंत थांबून थांबून पाऊस सुरू होता.

शहरात दुपारनंतर पावसाचा जोर वाढला होता. जालना जिल्ह्यातील ४९ पैकी ३५ मंडळांत पावसाने हजेरी लावली. ढोकसाळ, वाटूर, वाग्रुळ जहांगीर मंडळात थोडा बरा पाऊस झाला. जांबसमर्थ, राणिउंचेगाव, कुंभारपिंपळगाव, गोंदी, परतूर, आदी ठिकाणी सोमवारी दुपारीही कमी अधिक प्रमाणात पावसाची रिपरिप सुरूच होती. उस्मानाबाद जिल्ह्यातील २९ मंडळांत पावसाची हजेरी लागली. तुळजापूर तालुक्‍यात पावसाचा जोर थोडा अधिक होता. या तालुक्‍यात सरासरी १३.४३ मिलिमीटर पाऊस नोंदल्या गेला. सोमवारी दुपारपर्यंत अनदूर, ईट, तुरोरी, उमरगा शहरासह परिसरात, खामसवाडी, आलूर, अनाळा, मंगरूळ, देवधानोरा, जेवळी, आलूर, बलसूर आदी ठिकाणी रिमझिम, हलका मध्यम ते भीज स्वरूपाचा पाऊस सुरू होता. नांदेड जिल्ह्यातील किनवट तालुक्‍यात २२ मिलिमीटर तर माहूर तालुक्‍यात सरासरी ३३ मिलिमीटर पावसाची नोंद झाली. उमरी तालुक्‍यातही सरासरी १७ मिलिमीटर पाऊस झाला.

नांदेड जिल्ह्यातील ८० मंडळांपैकी ५७ मंडळांत पावसाची हजेरी लागली. बीड जिल्ह्यातही १९ मंडळांत लागलेली पावसाची हजेरी तुरळक ते हलक्‍या स्वरूपाची राहिली. लातूर जिल्ह्यातही ३८ मंडळांत तुरळक ते हलका पाऊस झाला. हिंगोली जिल्ह्यातील ३० पैकी २७ मंडळांत पाऊस झाला.


इतर ताज्या घडामोडी
पर्यटनवाढीसाठी ३ हजार कोटींचे करार :...मुंबई : राज्यातील पर्यटनाला चालना देण्यासाठी...
मराठवाड्यात तूर खरेदी १९ एप्रिलपर्यंतचऔरंगाबाद : नाफेडच्या माध्यमातून विविध...
नागपूर जिल्ह्यात सोयाबीनचे उत्पादन...नागपूर : अतिवृष्टी व खोडमाशीने यंदा सोयाबीन...
'कोंबडी आणि चिकनचे दर निश्‍चित करण्याचे...कोल्हापूर : बर्ड फ्लूची भीती दाखवून सध्या...
‘विकेल ते पिकेल’अंतर्गत साताऱ्यात रयत...सातारा : ‘‘‘विकेल ते पिकेल’ हे अभियान राज्यात...
कर्नाटकव्याप्त प्रदेश पुन्हा...मुंबई : सीमावासीयांच्या पिढ्यान् पिढ्या कर्नाटक...
कृषिपंपाचा वीजपुरवठा दोन महिन्यांपासून...लोहारा, जि. उस्मानाबाद :  लोहारा तालुक्यातील...
कर्जमुक्ती योजनेतून बुलडाण्यात ११२१...बुलडाणा : राज्यातील शेतकऱ्यांना कर्जमुक्त नव्हे,...
आंदोलनाच्या समर्थनार्थ नगर,...नगर ः कृषी विधेयके रद्द करण्यासाठी दिल्लीत सुरू...
‘महाराष्ट्र शुगर्स’कडील रकमेसाठी ठिय्यापरभणी : जिल्ह्यातील सायखेडा (ता. वसमत) येथील...
विदर्भाचा मागासलेपणा गोसीखुर्दने धुऊन...नागपूर : गोसीखुर्द प्रकल्प विदर्भासाठी वरदान आहे...
सौरऊर्जा प्रकल्प योजना शेतकऱ्यांपर्यंत...सांगली ः महाराष्ट्र कृषी क्षेत्रात अग्रेसर राहिला...
नवीन कृषी कायद्यांची सुरुवात काँग्रेस,...अकोला ः आज देशभरातील शेतकरी नवीन तीन कृषी...
सोलापुरसाठी ९५ कोटींचा अतिरिक्त निधी...सोलापूर : जिल्हा वार्षिक योजनेच्या सन २०२१-२२...
दर्जेदार कांदा बीजोत्पादनासाठी...उत्तम कांदा बीजोत्पादनासाठी कंदाच्या योग्य...
उसासाठी सूक्ष्म अन्नद्रव्यांचा वापरसूक्ष्म अन्नद्रव्ययुक्त खतांची उसाच्या पानांवर...
शेतकरी नियोजन पीक : गुलाब‘व्हॅलेटाइन डे’च्या पार्श्‍वभूमीवर मावळ तालुक्यात...
सुधारित पद्धतीने हळद काढणीहळद लागवडीच्या पद्धतीनुसार हळद काढणीची पद्धत...
नगरमध्ये पन्नास हजार क्विंटल मका खरेदी...नगर ः शासनाने बंद केलेली मका खरेदी सुरू केली. नगर...
सांगली बाजार समितीत नव्या हळदीचे सौदेसांगली ः सांगली कृषी उत्पन्न बाजार समितीमध्ये...