रब्बीसाठी खानदेशात आवर्तन सुटले गिरणा, हतनूरच्या पाण्याचा लाभ 

जळगाव ः खानदेशात विविध प्रकल्पांमधून मागील महिन्यात रब्बीसाठी पहिले आवर्तन सोडण्यात आले. जळगाव जिल्ह्यात गिरणा, हतनूर व वाघूर प्रकल्पातून पाणी सोडण्यात आले होते.
रब्बीसाठी खानदेशात आवर्तन सुटले गिरणा, हतनूरच्या पाण्याचा लाभ 
For Rabbi, the mill in Khandesh has run out of water, the benefit of Hatnur's water

जळगाव ः  खानदेशात विविध प्रकल्पांमधून मागील महिन्यात रब्बीसाठी पहिले आवर्तन सोडण्यात आले. जळगाव जिल्ह्यात गिरणा, हतनूर व वाघूर प्रकल्पातून पाणी सोडण्यात आले होते. 

गिरणा, वाघूर, हतनूर, धुळ्यातील पांझरा, मालनगाव, सोनवद, अनेर आदी प्रकल्प १०० टक्के भरले होते. यंदा या प्रकल्पांमधून तीन वेळेस रब्बीसाठी आवर्तन सुटेल, असे जाहीर करण्यात आले होते. शेतकऱ्यांना पाणी मागणीचे अर्ज करण्याचे आवाहन नोव्हेंबरमध्ये करण्यात आले होते. डिसेंबरच्या मध्यात काही प्रकल्पांमधून पाणी सोडण्यात आले. तर काही प्रकल्पांमधून डिसेंबरच्या अखेरीस पाणी सोडण्यात आले. गिरणा, हतनूर, वाघूरच्या माध्यमातून सुमारे ३५ हजार हेक्टर क्षेत्र भिजते. यंदाही एवढ्या क्षेत्रासाठी पाण्याचे नियोजन करण्यात आले. 

धुळ्यात पांझरा प्रकल्पातूनही पाणी सोडण्यात आले. तसेच अनेर प्रकल्पातूनही पाणी सोडण्यात आले. ज्वारी, हरभरा ही पिके अधिक आहेत. तसेच गव्हाची पेरणीदेखील या प्रकल्पांच्या लाभक्षेत्रात झाली आहे. पेरणी वाढली असून, पाण्याचे काटेकोर नियोजन करावे लागणार आहे. गिरणा धरणाच्या पाटचाऱ्यांची दैना असल्याने काही शेतकऱ्यांना पुरेसे किंवा हवे तेवढे पाणी मिळू शकले नाही. गिरणा धरणातून चाळीसगाव, भडगाव, पाचोरा, एरंडोल व धरणगाव या तालुक्यांत पाणी सोडण्यात आले. हतनूरमधून रावेर, यावल व चोपडा तालुक्यासाठी पाणी सोडण्यात आले. वाघूर प्रकल्पातून भुसावळ, जळगाव तालुक्यातील रब्बीला लाभ झाला. अनेर धरणातून जळगावमधील चोपडा, धुळ्यातील शिरपूर तालुक्यात रब्बीसाठी पाणी मिळाले. पांझरा प्रकल्पाच्या माध्यमातून धुळ्यातील साक्री, धुळे तालुक्यातील शेतशिवार भिजले. पुढेही लवकर पाणी सोडले जाईल. तीन वेळेस पाणी मिळणार असल्याने पिके जोमात येतील, असे शेतकऱ्यांचे म्हणणे आहे. 

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.