जळगाव जिल्ह्यातील १४ वाळू लिलाव गटाची जनसुनावणी 

जळगाव ः जिल्ह्यात भडगाव, पाचोरा, चोपडा येथील तीन वाळू गटांचे लिलाव झाले आहेत. १४ वाळू गटांची जनसुनावणी महाराष्ट्र राज्य प्रदूषण नियंत्रण विभागाने घेतली. वाळू गटांबाबत राज्यस्तरीय पर्यावरण समितीकडे प्रदूषण नियंत्रण विभाग अहवाल सादर करणार आहे.
जळगाव जिल्ह्यातील १४ वाळू लिलाव गटाची जनसुनावणी 
Public hearing of 14 sand auction group in Jalgaon district

जळगाव ः जिल्ह्यात भडगाव, पाचोरा, चोपडा येथील तीन वाळू गटांचे लिलाव झाले आहेत. १४ वाळू गटांची जनसुनावणी महाराष्ट्र राज्य प्रदूषण नियंत्रण विभागाने घेतली. वाळू गटांबाबत राज्यस्तरीय पर्यावरण समितीकडे प्रदूषण नियंत्रण विभाग अहवाल सादर करणार आहे. राज्यस्तरीय पर्यावरण समितीच्या बैठकीत या गटांना मंजुरी मिळेल, अशी माहिती जिल्हा गौण खनिज विभागाच्या सूत्रांनी दिली. 

आव्हाणे येथे वाळूचा अवैधरीत्या उपसा होतो. तरीही तेथील ग्रामपंचायतीने वाळू उपसाबाबत ठराव केलेला नाही. यामुळे आता या ठिकाणची वाळू चोरी झाल्यास त्याची जबाबदारी ग्रामपंचायतीवर येणार आहे. जी गावे वाळू उपसाबाबत ठराव करणार नाहीत, अशा गावातील वाळूच्या उपशास गावच जबाबदार राहील, असा अध्यादेश शासनाने काढलेला आहे. त्यानुसार ही कारवाई होणार आहे.  या गटांचे होतील लिलाव  मुक्ताईनगर तालुक्यात दोन गट, रावेर सहा गट, जळगावचे दोन गट, धरणगावमधील बाभूळगाव एक व दोन, अमळनेर येथील दोन गटांचे लिलाव होणार आहेत. सोबतच टाकरखेडा येथील वाळू गटाचा लिलाव होणार आहे. 

अवैध वाळू उपशावर नियंत्रण नाहीच  गिरणा नदीपात्रातील वाळू ठेके बंद असले, तरी मध्यरात्रीनंतर वाळूउपसा सुरूच आहे. शहरात अनेक ठिकाणी बांधकामे सुरू आहेत. तेथे पाहणी केली असता मध्यरात्रीनंतर बांधकामाजवळ वाळू टाकलेली दिसते. ही वाळू डंपरमधून टाकलेली दिसते. महसूल, पोलिसांना चकवा देत वाळूमाफिया वाळूचा अवैध उपसा करतात. त्यावर अद्याप तरी नियंत्रण नसल्याचे दिसून येते.  वाळू गटांच्या लिलावाची प्रक्रिया सुरू आहे. पर्यावरण समितीची मंजुरी मिळताच लिलाव होतील. अवैध वाळूउपशावर नियंत्रणासाठी महसूल यंत्रणा कार्यरत आहे. अनेक वाहनांवर कारवाई करण्यात आली आहे.  - दीपक चव्हाण,  जिल्हा गौण खनिज अधिकारी, जळगाव   

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.