‘कृषीच्या योजनांचा लाभ १० जानेवारीपर्यंत घेता येणार’

बुलडाणा ः महाराष्ट्र शासन कृषी विभागाच्या विविध योजनांचा लाभ घेण्यासाठी अर्ज करण्याची मुदत शासनातर्फे वाढविण्यात आली आहे.
 ‘Benefits of agricultural schemes Can be taken till January 10 '
‘Benefits of agricultural schemes Can be taken till January 10 '

बुलडाणा ः महाराष्ट्र शासन कृषी विभागाच्या विविध योजनांचा लाभ घेण्यासाठी अर्ज करण्याची मुदत शासनातर्फे वाढविण्यात आली आहे. आता शेतकऱ्यांना रविवार (ता. १०) पर्यंत अर्ज करता येणार असून शेतकऱ्यांनी ऑनलाइन अर्ज भरून लाभ घ्यावा, असे आवाहन सिंदखेडराजा तालुका कृषी अधिकारी वसंत राठोड केले आहे.

कृषी योजनांचा लाभ घेण्यासाठी यापूर्वी ३१ डिसेंबर २०२० पर्यंत मुदत होती. सध्या महाडीबीटी पोर्टलवर ऑनलाइन अर्ज भरणे चालू आहे. विशेष बाब म्हणजे शेतकऱ्यांना आवश्यक असणाऱ्या विविध बाबीसाठी एकदाच नोंदणी करावी लागणार आहे. वारंवार कागदपत्रे देण्याची गरज नाही. आपल्याला आवश्यक असणाऱ्या बाबींचा प्राधान्यक्रम ठरवून नोंदणी करावी. 

लाभार्थी निवड ही नियमाप्रमाणे सोडत पद्धतीने होणार आहे. एकात्मिक फलोत्पादन विकास अभियानाअंतर्गत कांदा चाळ, पॅक हाऊस, जुन्या फळबागांचे पुनरुज्जीवन, फळबागांना आकार देणे, फळबाग लागवड, मधुमक्षिकापालन, हरितगृह, शेडनेट हाऊस, प्लास्टिक मल्चिंग, स्व. भाऊसाहेब फुंडकर फळबाग लागवड योजनेअंतर्गत आंबा लागवड, डाळिंब लागवड, मोसंबी लागवड, पेरू लागवड, सीताफळ लागवड, तसेच इतर फळबाग लागवड योजना, कृषी यांत्रिकीकरण योजनेअंतर्गत ट्रॅक्टर, प्रक्रिया संच, पॉवर टिलर, बैलचलित अवजारे, मनुष्य अवजारे, स्वयंचलित अवजारे, कल्टीवेटर, कापणी यंत्र, नांगर, पेरणी यंत्र, मल्चिंग यंत्र, मळणी यंत्र, रोटावेटर, वखर, ठिंबक सिंचन, तुषार सिंचन (स्प्रिंकलर), मोटार पंप संच, डिझेल इंजिन संच, वैयक्तिक शेततळे, शेतातील शेततळे मध्ये प्लास्टिक मल्चिंग, सामूहिक शेततळे आदींचा योजनेत समावेश आहे.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com