औरंगाबाद जिल्ह्यात शेतमालाच्या थेट विक्रीतून १२ कोटींची उलाढाल

औरंगाबाद ः शहरासह ग्रामीण भागात भाजीपाला व फळे पुरवठादार शेतकरी, शेतकरी गट, शेतकरी उत्पादक कंपनीच्या थेट विक्रीची उलाढाल १२ कोटी ३७ लाख ८७ हजार ६७२ रुपयांवर पोहोचली आहे.
 12 crore turnover from direct sale of agricultural commodities in Aurangabad district
12 crore turnover from direct sale of agricultural commodities in Aurangabad district

औरंगाबाद  ः शहरासह ग्रामीण भागात भाजीपाला व फळे पुरवठादार शेतकरी, शेतकरी गट, शेतकरी उत्पादक कंपनीच्या थेट विक्रीची उलाढाल १२ कोटी ३७ लाख ८७ हजार ६७२ रुपयांवर पोहोचली आहे.

लॉकडाउनमध्ये  थेट फळे, भाजीपाला विक्रीची संकल्पना पुढे आली. २९ मार्चपासून २२ ऑगस्टपर्यंत औरंगाबाद शहरासह जिल्ह्यात ५२ लाख १ हजार ४७१ किलो भाजीपाला व ६३ लाख ३१ हजार ९२ किलो फळांची थेट ग्राहकांना विक्री झाली. त्यातून तब्बल १२ कोटी ३७ लाख ८७ हजार ६७२ रुपयांची उलाढाल झाली. सुरुवातीला जवळपास २० शेतकरी, शेतकरी गट व शेतकरी उत्पादक कंपन्यांच्या सहभागातून सुरू झालेला प्रवास ७७ सहभागीदारापर्यंत पोहोचला आहे. 

तालुकास्तरीय विक्रीत औरंगाबाद तालुक्यात २ लाख ५ हजार ५८० किलो भाजीपाला व २२ लाख ३३ हजार ५४० किलो फळांच्या विक्रीतून एक कोटी ३७ लाख २९ हजार ४०० रुपये, पैठण तालुक्यात २ लाख १४ हजार ९६६ किलो भाजीपाला व ३ लाख ७६४ किलो फळांच्या विक्रीतून १ कोटी ९ लाख ८० हजार ३०७ रुपये, फुलंब्रीत ३ लाख सहा हजार ८१ किलो भाजीपाला व १ लाख ५५ हजार ३०५ किलो फळे विक्रीतून ६९ लाख ६६ हजार १८२ रुपये, तर वैजापूर तालुक्यात ३ लाख ५४ हजार ३१६ किलो भाजीपाला, १ लाख ५० हजार ९१० किलो फळांच्या विक्रीतून ८९ लाख ९८ हजार १२९ रुपये उलाढाल झाली. 

गंगापूर तालुक्यात १८ लाख ७७ हजार ७४५ किलो भाजीपाला, तर १८ लाख ४० हजार ६५५ किलो फळांची विक्री झाली. त्यामधून २ कोटी ३५ लाख ५ हजार ८६० रुपये यांची उलाढाल झाली. खुलताबादमध्ये ४३ लाख ३ हजार ५७० रुपये प्राप्त झाले. सिल्लोड तालुक्यात ८२ लाख ७९ हजार २१७ रुपयांची, कन्नड तालुक्यात ८८ लाख ९५ हजार ७४० रुपयांची उलाढाल झाली. 

शेतकऱ्याने मिळविले ६ लाख रूपये

सोयगाव तालुक्यात १ लाख ४७ हजार ४६९ किलो भाजीपाला, १ लाख १६ हजार ४५९ किलो फळांच्या विक्रीतून ६२ लाख ७१ हजार ५८४ रुपयांची उलाढाल नोंदली गेली. जालना जिल्ह्यातील एका शेतकऱ्याकडून विकल्या गेलेल्या २० हजार किलो फळांच्या विक्रीतून ६ लाख रुपयांचे उत्पन्न  शेतकऱ्याला मिळाले, अशी माहिती कृषी विभागाने दिली.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com