जळगाव : जळगाव जिल्ह्यातील मोठ्या व मध्यम सिंचन प्रकल्पांमध्ये मुबलक जलसाठा आहे. अनेक प्रकल्पांमधून पाण्याचा विसर्ग सुरू आहे. १३ प्रकल्प १०० टक्के भरले आहेत. हतनूर व गिरणा धरणातून पाण्याचा विसर्ग सुरूच आहे. रब्बीसाठी चांगला लाभ यंदा होईल, अशी स्थिती आहे.
जिल्ह्यात अभोरा, मंगरूळ, सुकी, मोर, अग्नावती, हिवरा, बहुळा, तोंडापूर, अंजनी, गुळ, भोकरबारी, बोरी, मन्याड हे तेरा मध्यम प्रकल्प आहेत. १३ प्रकल्पांमध्ये मुबलक जलसाठा आहे. हे प्रकल्प ऑगस्ट व सप्टेंबरमध्येच १०० टक्के भरले होते. ९६ लघु प्रकल्पांमध्ये पूर्ण पाणीसाठा आहे.
जिल्ह्यातील मध्यम प्रकल्पांचा प्रकल्पीय उपयुक्त साठा ७.२० टीएमसी इतका असून आजअखेर या प्रकल्पांमध्ये ७.०१ टीएमसी इतका उपयुक्त साठा आहे.
जिल्ह्यातील ९६ लघु प्रकल्पात ६.२० टीएमसी उपयुक्त साठा आहे. जिल्ह्यातील हतनूर, गिरणा व वाघूर या तीन मोठ्या प्रकल्पांमध्ये ३६.२७ टीएमसी इतका उपयुक्त पाणीसाठा झाला आहे. हतनूर धरणाचे २ दरवाजे अर्धा मीटर, गिरणाचे २ दरवाजे अर्ध्या मीटरने तर वाघूरचे २ दरवाजे अडीच मीटरने उघडण्यात आले आहे.
मोठ्या प्रकल्पांचा प्रकल्पीय उपयुक्त साठा ३६.२७ टीएमसी इतका उपयुक्त साठा आहे. यामध्ये हतनूर धरणात ९ टीएमसी, गिरणात १८.४९ टीएमसी, तर वाघूर धरणात ८.७८ टीएमसी इतका उपयुक्त साठा असून ही धरणे १०० टक्के भरून वाहत आहेत.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.