नाशिक : खरिपासाठी सिंचनाचे मागणी अर्ज द्या, २७ ऑगस्टपर्यंत मुदत

नाशिक : अन्नधान्य, कडधान्ये व तेलबिया पिके, यांना पाणी पुरवठा आवश्यक आहे. शेतकऱ्यांनी पाणी अर्ज २७ ऑगस्टपर्यंत नजीकच्या सिंचन शाखा कार्यालयात दाखल करावे.
 Apply for kharif irrigation application, deadline is August 27
Apply for kharif irrigation application, deadline is August 27

नाशिक : चालू खरीप हंगामासाठी विहिरीवरील उभी पिके व पेरणी झालेली पिके ज्यामध्ये अन्नधान्य, कडधान्ये व तेलबिया पिके, यांना पाणी पुरवठा आवश्यक आहे. शेतकऱ्यांनी पाणी अर्ज २७ ऑगस्टपर्यंत नजीकच्या सिंचन शाखा कार्यालयात दाखल करावे. त्याची पोच घेण्याचे आवाहन नाशिक पाटबंधारे विभाग उपकार्यकारी अभियंता अ. रा. निकम यांनी शासकीय प्रसिद्धीपत्रकाद्वारे केले आहे.

नाशिक पाटबंधारे विभागाच्या कार्यक्षेत्रातील इगतपुरी, त्र्यंबेकश्वर, दिंडोरी,नाशिक व सिन्नर या तालुक्यातील लघुप्रकल्पांतील उपयुक्त पाणीसाठा उपलब्ध झाला आहे. या वर्षी धरणात पावसाच्या पाण्याने नवीन पाण्याचा साठा उपलब्ध होईल; त्यासाठी नियोजनानुसार उपलब्ध होणाऱ्या पाण्यात तेलबिया आणि चारा या पिकास प्राधान्य असेल. तरीही पाण्याची उपलब्धता विचारात घेऊनच निर्णय देण्यात येईल. ज्या तलावांवर पाणी उपलब्धतेपेक्षा जास्त मागणी आली असल्यास त्या ठिकाणी मागणी क्षेत्रात समप्रमाणात कपात करुन मंजुरी देण्यात येणार आहे.

शेतकऱ्यांनी पाणीवापर करताना ठिबक, तुषार, सूक्ष्म सिंचनावर भर द्यावा. पाटमोटसंबंध तसेच जास्त लांबणीवरील क्षेत्राची जास्त मागणी येत असल्यास तेथे पाणी पुरवठा करण्याचे अथवा नाकारण्याचे अधिकार क्षेत्रीय परिस्थितीनुसार संबंधित क्षेत्रिय अधिकारी यांना असणार आहेत. थकबाकी व काळ्या यादीत ज्यांचे नावे आहेत, त्यांना मंजुरी दिली जाणार नाही. नमुना क्रमांक.७ च्या आधारे ज्यांना पाण्याचा लाभ घ्यायचा असल्यास अर्जासोबत वैध सातबारा उतारा जोडणे बंधनकारक आहे. 

कालवा, जलाशय, नदी व नाले यावर नमुना नं. ७ भरुन मंजुरी असणाऱ्या धारकांव्यतिरिक्त कुणीही इलेक्ट्रिक मोटारी अथवा ऑईल इंजिन ठेवून पाणी घेण्याचा प्रयत्न करु नये. तसे निदर्शनास येताच संबंधितावर सिंचन अधिनियमानुसार कारवाई करण्यात येईल.

संबंधित लघु प्रकल्पात पाणीसाठा उपलब्ध न झाल्यास अथवा कमी झाल्यास, दिलेले परवाने रद्द करण्यात येतील; याबाबत भरपाई मिळणार नाही. तसेच न्यायालयात दावा दाखल करता येणार नसल्याची माहिती देखील शासकीय प्रसिद्धीपत्रकात दिली आहे, असे आवाहन नाशिक पाटबंधारे विभाग उपकार्यकारी अभियंता अ. रा. निकम यांनी केले.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com