आष्टे, मनगोळीत वाळू चोरांवर पोलिसांकडून कारवाई

सोलापूर ः मोहोळ तालुक्यातील आष्टे येथून सीना नदीपात्रातून अवैद्य वाळू उपसा करून वाहतूक करणाऱ्या चार ट्रॅक्टरवर ग्रामीणच्या विशेष पोलिस पथकाने कारवाई केली.
Ashte, action against sand thieves in Mangoli
Ashte, action against sand thieves in Mangoli

सोलापूर  ः मोहोळ तालुक्यातील आष्टे येथून सीना नदीपात्रातून अवैद्य वाळू उपसा करून वाहतूक करणाऱ्या चार ट्रॅक्टरवर ग्रामीणच्या विशेष पोलिस पथकाने कारवाई केली. त्यातून २४ लाख ३२ हजार रुपयांचा मुद्देमाल जप्त केला. तसेच आष्टे येथील पाच जणांवर गुन्हा दाखल करण्यात आला. मनगोळी येथे भोगावती नदीपात्रातून वाळू वाहतूक करत असताना एका ट्रॅक्टरवर कारवाई करून पाच लाखांचा मुद्देमाल जप्त करून एकावर गुन्हा दाखल केला. 

पोलिसांकडून मिळालेल्या माहितीनुसार, ग्रामीण पोलिसांच्या विशेष पथकाचे पोलिस निरीक्षक विनय बहिर, पोलिस शिपाई शैलेश जाधव, मदने यांना आष्टे शिवारात सीना नदीपात्रातून अवैद्य वाळू वाहतूक होत असल्याची माहिती मिळाली. पहाटे चार वाजता सीना नदीपात्रातून वाळू उपसा करून ट्रॅक्टरद्वारे त्याची वाहतूक सुरू असल्याचे निदर्शनास आले. 

पोलिसांनी सूरज संभुदेव मासाळ, कुंडलिक काशिनाथ सोंडगे, नवनाथ सुरेश नरोटे, जहांगीर नसरुद्दीन शेख व सागर दादाराव नरोटे (सर्व रा. आष्टे) अशा पाच जणांना पकडले. एम.एच. १३, जे. ७९०९, एम.एच. १३, डी. ई. १६३१, एम. एच. १३, ए. जे. ८८०१ व एक नंबर नसलेला अशा चार ट्रॅक्टरला वाळूसह ताब्यात घेतले. एकूण २४ लाख ३२ हजार २०० रुपयांचा मुद्देमाल जप्त केला आहे. 

मनगोळीत मोहोळ पोलिसांनी ट्रॅक्टर पकडला

मोहोळ पोलिस ठाण्यातील पोलिस शिपाई सत्यवान जाधव, गणेश पोफळे, शरद ढावरे व गणेश दळवी यांच्या पथकाने मनगोळी गावच्या हद्दीत भोगावती नदीपात्रातून वाळू वाहतूक करणाऱ्या ट्रॅक्टरला पकडले. मैफल जालीक शेख (रा. वैराग) याला ताब्यात घेत पाच लाख आठ हजार रुपयांचा मुद्देमाल जप्त केला. 

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com