खानदेशात ‘बर्ड फ्लू’ सर्वेक्षण सुरू

जळगाव ः खानदेशात ‘बर्ड फ्लू’बाबत खबरदारी घेण्यास सुरवात झाली आहे. त्यासंबंधीची पुष्टी कुठेही झालेली नाही. परंतु सर्वेक्षण सुरू झाले आहे.
खानदेशात ‘बर्ड फ्लू’ सर्वेक्षण सुरू
खानदेशात ‘बर्ड फ्लू’ सर्वेक्षण सुरू

जळगाव ः खानदेशात ‘बर्ड फ्लू’बाबत खबरदारी घेण्यास सुरवात झाली आहे. त्यासंबंधीची पुष्टी कुठेही झालेली नाही. परंतु सर्वेक्षण सुरू झाले आहे. 

कुक्कुटपालक व्यावसायिकांशी संपर्क साधून पशुसंवर्धन विभागाने माहिती घेतली आहे. त्यात कुठेही बर्ड फ्लू सदृश आजाराची समस्या अद्याप आढळलेली नसल्याची माहिती आहे.

नंदुरबार जिल्ह्यात नवापूर तालुका कुक्कुटपालनासाठी प्रसिद्ध आहे. या तालुक्यात गेल्या आठवड्यातच सर्वेक्षण सुरू झाले आहे. जळगाव जिल्ह्यात १५ पथके सर्वेक्षणासाठी स्थापन झाली आहेत. जिल्हा परिषदेचा पशुसंवर्धन विभाग व राज्य शासनाचा पशुसंवर्धन विभाग यांच्या संयुक्त पथकांचे काम सुरू झाले आहे. 

खानदेशात रोज २० टन चिकनची खरेदी-विक्री केली जाते. सध्याचा हंगाम जोमात असतानाच ‘बर्ड फ्लू’ची समस्या राज्यात विविध भागात आढळल्याने सतर्कता बाळगली जात आहे. परराज्यातून लहान पक्ष्यांची खरेदी, वाहतूक तूर्त बंद आहे. तर परराज्यात चिकनची पाठवणूक थांबली आहे.

स्थानिक क्षेत्रात चिकनची विक्री मात्र सुरू आहे. चिकन विक्रीवर मोठ्या शहरांमध्ये किंवा तालुक्याच्या भागात अद्याप बंदी घातलेली नसल्याची माहिती आहे. 

प्रशासनाचे बारीक लक्ष

सर्वेक्षण करून तातडीने त्याची माहिती संबंधित विभागासह जिल्हा प्रशासनाकडे सादर करायची आहे. या संदर्भात यंत्रणा जिल्हा प्रशासनाने सज्ज केली आहे. पशुवैद्यकीय अधिकाऱ्यांच्या निगराणीत ही कार्यवाही केली जात आहे, अशी माहिती मिळाली. नंदुरबार जिल्ह्यात यंत्रणा अधिक सतर्क आहे. नवापूर तालुक्यातील स्थितीवर प्रशासन लक्ष ठेवून आहे.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.