सोलापूर ः सोलापुरातील बहुचर्चित बोरामणी आंतरराष्ट्रीय विमानतळाची संपादन प्रक्रिया अद्यापही सुरू आहे. परंतु आता धावपट्टीसाठी आवश्यक असलेल्या जमिनीची संपादन प्रक्रिया पूर्ण झाली आहे. आतापर्यंत विमानतळासाठी ५७४ हेक्टर जमिनीचे संपादन करण्यात आले आहे. तिसऱ्या टप्प्यात खासगी वाटाघाटीनुसार २९ हेक्टरपैकी २४ हेक्टरची संपादन प्रक्रियाही पूर्ण झाली आहे. उर्वरित ४ हेक्टरचे संपादन अंतिम टप्प्यात असल्याचे जिल्हाधिकारी कार्यालयांकडून सांगण्यात आले.
संयुक्त पुरोगामी आघाडी सरकाच्या काळात बोरामणी येथे आंतरराष्ट्रीय विमानतळ मंजूर झाले. त्यासाठी दोन टप्प्यांत जमिनीचे संपादनही करण्यात आले. महाराष्ट्र विमानतळ विकास कंपनी व भारतीय विमानतळ प्राधिकरण यांच्यात करार होऊनही विमानतळ उभारणीसाठी मुहूर्त मिळाला नाही. धावपट्टीसाठी आवश्यक असलेल्या जमिनीचे संपादन न केल्याने २९ हेक्टर जमिनीचे संपादन करण्याचे आदेश देण्यात आले. २०२० मध्ये शासनाने ५० कोटी रुपये मंजूर केले. २९ हेक्टरपैकी २५ हेक्टरची संपादन प्रक्रिया पूर्ण झाली. उर्वरित ४ हेक्टर न्यायालयीन प्रक्रियेत असल्याने त्याचेही संपादन लवकरच पूर्ण करण्यात येणार असल्याचे सांगण्यात आले.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
