नुकसान भरपाई द्या, अन्यथा ‘रास्ता रोको’

अंबड, जि. जालना : पिकांच्या नुकसानीचे पंचनामे करा, नुकसान भरपाई द्या, अन्यथा ‘रास्ता रोको’ करण्यात येईल, असा इशारा शेतकऱ्यांनी दिला आहे.
 Compensate, otherwise 'block the way'
Compensate, otherwise 'block the way'

अंबड, जि. जालना : पिकांच्या नुकसानीचे पंचनामे करा, नुकसान भरपाई द्या, अन्यथा ‘रास्ता रोको’ करण्यात येईल, असा इशारा शेतकऱ्यांनी दिला आहे.  

जिल्ह्यातील डाळिंब, मोसंबी, द्राक्षे व ऊस पिकांचे सततचा पाऊस, वादळ वारे यामुळे मोठया प्रमाणात नुकसान झाले आहे. यामुळे शेतकरी पुरता मेटाकुटीला आला आहे. शेतकऱ्यांच्या नुकसान भरपाईचे शासनाच्या वतीने तात्काळ पंचनामे करा. यासह इतर मागण्यासाठी फळबाग तसेच ऊस उत्पादक शेतकऱ्यांनी बुधवारी (ता.९) तहसिल कार्यालयासमोर धरणे आंदोलन केले. 

तहसिलदार विद्याचरण कडवकर यांच्याकडे मुख्यमंत्री उध्दव ठाकरे यांच्या नावे दिलेले लेखी मागण्याचे निवेदन सादर करण्यात आले. निवेदनानुसार, गत अनेक वर्षांपासून जोपासलेल्या फळ बागांवर अस्मानी संकट आले आहे. मोसंबी फळांवर अचानक पडलेला कोळी रोग, काळे डाग, तसेच फळांची वाढती गळ, यामुळे दर चांगलेच गडगडले आहेत. द्राक्ष वेली शंभर टक्के करपल्या आहेत. वादळामुळे ऊस जमिनीवर आडवा झाला आहे. 

शेतकऱ्यांच्या फळबागा, उसाचे पंचनामे करुन तत्काळ नुकसान भरपाई द्यावी. अन्यथा, मंगळवारी (ता.१५) रास्ता रोको आंदोलन करण्यात येईल, असा इशारा देण्यात आला. या निवेदनावर प्रकाश बोरडे, भाऊसाहेब कनके, राजीव डोंगरे, रामजी रायकर, तुकाराम जामदरे, बप्पासाहेब डोखळे, सतीश फोके, बाळासाहेब डोखळे, भरत रत्नपारखे, पांडुरंग घोलप, पांडुरंग गटकळ, अशोक जाधव, नामदेव मांगडे, सुरेश काळे, दीपकसिंह ठाकुर, प्रभाकर डोखळे, भैय्यासाहेब हातोटे, संतोष कनके, कैलास खराबे, अर्जुन गटकळ, एकनाथ खराबे, अंबादास अंभोरेसह आदीच्या स्वाक्षऱ्या आहेत.  

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com