बीटी कपाशी बियाणे अप्रमाणित निघाल्याप्रकरणी न्यायालयात खटला

या हंगामात बाजारपेठेत विक्रीसाठी आणलेल्या बीटी कपाशी बियाण्याचे नमुने अप्रमाणित निघाल्याने संबंधित कंपन्यांविरुद्ध अकोला न्यायालयात खटला दाखल करण्यात आला आहे.
cotton seed
cotton seed

अकोला ः या हंगामात बाजारपेठेत विक्रीसाठी आणलेल्या बीटी कपाशी बियाण्याचे नमुने अप्रमाणित निघाल्याने संबंधित कंपन्यांविरुद्ध अकोला न्यायालयात खटला दाखल करण्यात आला आहे. तसेच सोयाबीन बियाणे प्रकरणात तेल्हारा येथे खटला नोंदविण्यात आला. अप्रमाणित बियाणे प्रकरणी जिल्ह्यात आत्तापर्यंत आठ कंपन्यांविरुद्ध खटले दाखल केल्या गेले आहेत. जिल्हा परिषद कृषी विभागाने बीटी कपाशी वाणाचे दोन नमुने तपासणीसाठी प्रयोगशाळेत पाठवले होते. हे नमुने प्रयोगशाळेच्या अहवालात अप्रमाणित आढळल्यामुळे कंपनीविरोधात न्यायालयात खटले दाखल करण्यात आले आहेत. यामुळे कृषी अधिकाऱ्यांनी संबंधित कंपन्यांना कारणे दाखवा नोटीस बजावत खुलासा मागितला होता. समाधानकारक उत्तर न मिळाल्याने बीटी बियाण्याप्रकरणी अकोला न्यायालयात खटला दाखल करण्यात आला.   जिल्हा परिषदेचे मोहीम अधिकारी मिलींद जंजाळ यांनी यावर्षी मे महिन्यात संबंधित कंपनीच्या अकोट मार्गावरील गोदामातून बीटी कपाशीच्या वाणाचे दोन नमुने घेतले होते. सदर बियाण्यांमध्ये एक जनुक (जीन) जास्त आढळल्याचा ठपका प्रयोगशाळेने ठेवला आहे. त्यावर कंपनीने खुलासा सादर केल्यानंतर तो असमाधानकारक असल्याने कृषी विभागाने कंपनीविरोधात न्यायालयात खटले दाखल केले.

तेल्हारा येथे सोयाबीन प्रकरणी खटला अप्रमाणित सोयाबीन बियाणे प्रकरणी तेल्हारा न्यायालयात खटला दाखल करण्यात आला. सदर कंपनीचे सोयाबीनचे बियाणे उगवण क्षमतेत कमी आढळून आले होते. त्यामुळे कृषी अधिकाऱ्यांनी याबाबत न्यायालयात खटला नोंदवला. जिल्ह्यात यापूर्वी मूर्तिजापूर येथे दोन, बार्शीटाकळी येथे तीन कंपन्यांविरुद्ध न्यायालयात खटला दाखल करण्यात आलेला आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com