उडीद, मुगाच्या उत्पादनात घट 

नांदेड जिल्ह्यातील मूग, उडीद या खरिपातील पिकांचे कापणी प्रयोग पूर्ण झाले आहेत. यंदा मुगाचे हेक्टरी उत्पादन ४८२ किलो, तर उडदाचे हेक्टरी ४१२ किलो उत्पादन आल्यामुळेउत्पादनात घट झालीआहे.
Decrease in production of urad, muga
Decrease in production of urad, muga

नांदेड : जिल्ह्यातील मूग, उडीद या खरिपातील पिकांचे कापणी प्रयोग पूर्ण झाले आहेत. यंदा मुगाचे हेक्टरी उत्पादन ४८२ किलो, तर उडदाचे हेक्टरी ४१२ किलो उत्पादन आल्यामुळे या पिकांच्या उत्पादनात घट झाल्याचेही समोर येत आहे, अशी माहिती कृषी विभागाच्या सूत्रांनी दिली.  जिल्ह्यात यंदा जून व जुलैमध्ये अपुरा पाऊस त्यात पडलेला खंड याचा मोठा परिणाम या उडीद व मुगाच्या खरीप पिकांवर झाला आहे. त्यामुळे कमी कालावधीत येणाऱ्या पिकांच्या उत्पादनावर परिणाम झाल्याचे दिसून आले. जिल्ह्यात देगलूर, बिलोली, नायगाव, मुखेड, धर्माबाद या तालुक्यांत उडीद तसेच मुगाचे उत्पादन घेतले जाते. परंतु पिकांच्या संवेदनशील काळातच पावसाने ओढ दिल्यामुळे या पिकांच्या उत्पादनावर परिणाम झाल्याचे दिसून आले आहे. दरम्यान, या पिकाच्या लागवड क्षेत्रात हेक्टरी किती उत्पादन झाले, याची मोजणी करण्यासाठी उडदाचे ४०२ पीक कापणी प्रयोग घेण्यात आले. यानुसार उडदाचे हेक्टरी ४१२ किलो आले आहे. तर मुगाचे २८६ पीक कापणी प्रयोग घेण्यात आले. यातून मुगाचे हेक्टरी ४८२ किलो उत्पादन आल्याचे यातून स्पष्ट झाले आहे. हे पीक कापणी प्रयोगात ग्रामसेवक, तलाठी, कृषी सहायक तसेच पीकविमा कंपनीच्या प्रतिनिधीसमोर निर्धारित प्लॉटवर पीक मोजणी करण्यात आली. जिल्ह्यातील मूग, उडीद पिकांचे कापणी प्रयोग नुकतेच पूर्ण झाले आहेत, अशी माहिती कृषी विभागाच्या सूत्रांनी दिली.  

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com