औरंगाबाद जिल्ह्यात शेततळे अस्तरीकरणाचे अनुदान शेतकऱ्यांना वाटप

औरंगाबाद : जिल्ह्यातील शेततळे अस्तरीकरणाचे अनुदान जवळपास अठरा महिन्यांपासून रखडले होते. आता ते शेतकऱ्यांच्या खात्यावर जमा करण्यास सुरवात झाली आहे.
Distribution of farm lining grants to farmers in Aurangabad district
Distribution of farm lining grants to farmers in Aurangabad district

औरंगाबाद : जिल्ह्यातील शेततळे अस्तरीकरणाचे अनुदान जवळपास अठरा महिन्यांपासून रखडले होते. आता ते शेतकऱ्यांच्या खात्यावर जमा करण्यास सुरवात झाली आहे. 

औरंगाबाद जिल्ह्यातील पाडळी, लाखेगाव येथील शेतकऱ्यांनी  ‘मागेल त्याला शेततळे’ योजनेतून रखडलेल्या शेततळे अस्तरीकरणाच्या अनुदानाविषयी आवाज उचलला होता. त्यांनी मे २०२० मध्ये शेतकऱ्यांची शेततळी होऊन व अस्तरीकरणाचे काम पूर्ण झाले. परंतु जवळपास १८ महिन्यांचा कालावधी लोटला. तरीही संबंधित शेततळे योजनेच्या नियमानुसार दिले जाणारे अनुदान शेतकऱ्यांना मिळाले नाही. शेतकऱ्यांनी पदरमोड उसनवार व कर्ज घेऊन शेततळ्याची काम पूर्ण केले. परंतु अनुदान मिळण्यास होणारा विलंब लाभार्थी शेतकऱ्यांना आर्थिक संकटात ढकलत होता. 

यंत्रणेकडून ''बजेट'' आल्यानंतर अनुदान खात्यावर जमा करू, असे उत्तर मिळते. बजेट नव्हते तर योजना राबवून शेतकऱ्यांना आर्थिक संकटात टाकण्याचे प्रयोजन काय? असेही शेतकऱ्यांचे म्हणणे होते. दरम्यान, कृषी विभागाकडून जिल्हाभरातील शेततळे अस्तरीकरणाचे अनुदान देण्यासाठी हालचाली सुरू झाल्या. जिल्ह्यातील तब्बल ४६९ शेतकरी अनुदानाच्या प्रतीक्षेत होते. 

अनुदानापोटी जवळपास ३ कोटी १५ लाख रुपये जिल्हा कृषी विभागाला प्राप्त झाले. त्यापैकी ४०० च्या वर शेतकऱ्यांना अनुदानाची रक्कम वितरित करण्यात आली. उर्वरित शेतकऱ्यांना अनुदान येत्या दोन दिवसांत अनुदान दिले जाईल, अशी माहिती कृषी विभागाच्या सूत्रांनी दिली.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com