नाशिक जिल्ह्यात पाणीटंचाईमुळे फळबागा संकटात

मागील वर्षांपासून पाऊस नसल्याने डाळिंब बागेसाठी पाणी विकत घेत होतो. तरीही ते पुरत नव्हते. पाणी विकतसुद्धा मिळेना. अखेर पर्याय नसल्याने ३ एकर बाग तोडण्याचा निर्णय घेतला. - संजय बच्छाव, वाके, ता. मालेगाव.
नाशिक जिल्ह्यात पाणीटंचाईमुळे फळबागा संकटात
नाशिक जिल्ह्यात पाणीटंचाईमुळे फळबागा संकटात

नाशिक : जिल्ह्यात द्राक्ष, डाळिंब लागवड मोठ्या प्रमाणावर आहे. मात्र यंदा दुष्काळाचा विपरीत परिणाम फळबागांवर झाला आहे. द्राक्ष बागांमध्ये सबकेन झाल्यांनतर अनेक ठिकाणी बागा जगविण्यासाठी शेतकऱ्यांना मोठी कसरत करावी लागत आहे. प्रामुख्याने जिल्ह्याच्या पूर्व भागात दुष्काळाचा परिणाम दिसून येत आहे. सिंचनासाठी पुरेसे पाणी नसल्याने बागा जगविणे जिकरीचे झाले आहे. 

जिल्ह्यातील मालेगाव, सिन्नर, येवला, नांदगाव, चांदवड, बागलाण तालुक्यांतील फळबागा पाण्याआभावी वाळून जात आहेत. ज्याच्याकडे भांडवल उपलब्ध आहे, असे शेतकरी विकत पाणी घेऊन बागा वाचविण्याचा प्रयत्न करत आहेत. मात्र दुष्काळामुळे विहारींनी तळ गाठल्याने बागा जगवायच्या कशा, असा प्रश्न निर्माण झाला आहे.

डाळिंब, चिकू, सीताफळ, पेरू, लिंबू बागा मोठ्या प्रमाणावर वाळून गेल्या आहेत. या संकटामुळे अस्वस्थ झालेल्या बागायतदारांनी फळबागा तोडण्याचा निर्णय घेतला आहे. डाळिंब पिकाला वाचवून दोन पैसे करण्यासाठी अनेक शेतकऱ्यांनी संघर्ष केला. मात्र तो निष्फळ ठरला आहे. पाणीसाठा संपल्याने अनेक शेतकऱ्यांनी विकतचे पाणी घेऊन बागा जगविल्या. मात्र लाखो रुपये खर्च करून हाती काहीच नाही. दुष्काळमुळे बागांवर कुऱ्हाड चालविण्याची मोठी नामुष्की शेतकऱ्यावर आली आहे.

मालेगाव व बागलाण तालुके डाळिंब उत्पादनात आघाडीवर होते. मात्र तेल्या रोगाच्या पाठोपाठ पाणीटंचाईचे ग्रहण बागांना लागले आहे. यामुळे फळबागा लागवडीखालील क्षेत्र मोठ्या प्रमाणावर कमी झाले आहेत. त्यामुळे आगामी दिवसात फालोत्पाद्नावर मोठा परिणाम होणार आहे.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com