वारणा साखर कारखान्याची निवडणूक बिनविरोध

श्री. तात्यासाहेब कोरे वारणा सहकारी साखर कारखान्याची पंचवार्षिक निवडणूक आमदार डॉ. विनय कोरे यांच्या नेतृत्वाखाली बिनविरोध झाली.
 वारणा साखर कारखान्याची निवडणूक बिनविरोध
Dr. Vinay Kore

वारणानगर जि. कोल्हापूर : येथील श्री. तात्यासाहेब कोरे वारणा सहकारी साखर कारखान्याची पंचवार्षिक निवडणूक आमदार डॉ. विनय कोरे यांच्या नेतृत्वाखाली बिनविरोध झाली. २१ जागांसाठी २१ उमेदवारी अर्ज राहिल्याने निवडणूक बिनविरोध झाल्याचे निवडणूक निर्णय अधिकारी अमित माळी यांनी जाहीर केले. नूतन संचालक मंडळात नवीन आठ चेहऱ्यांना संधी देण्यात आली.  निवडणुकीसाठीच्या छाननी प्रक्रियेनंतर २१ जागांसाठी ३६ उमेदवारी अर्ज पात्र ठरले होते. त्यामधील १५ जणांनी अर्ज माघारी घेतले. त्यामुळे २१ जागांसाठी २१ उमेदवार राहिल्याने सन २०२२-२७ या वर्षासाठीची निवडणूक बिनविरोध झाल्याचे निवडणूक निर्णय अधिकारी अमित माळी यांनी जाहीर केले.  ‘‘साखर उद्योगातील अडचणीच्या काळात वारणा परिसरातील ८० खेड्यांतील शेतकरी सभासदांनी आमच्यावर जो विश्‍वास टाकला त्यास पात्र राहण्यासाठी आम्ही प्रयत्नशील राहू,’’ असे सांगून ‘वारणा’चे प्रमुख माजी मंत्री विनय कोरे यांनी शेतकरी सभासदांचा, कार्यकर्त्यांचे सहकार्याबद्दल आभार मानले. 

बिनविरोध निवड झालेले संचालक मंडळ असे - 

विनय कोरे (वारणानगर), सुभाष पाटील (कोडोली), सुभाष कणसे (सातवे), शहाजी पाटील (जुने पारगाव), उदयसिंह पाटील (चावरे), प्रदीप तोडकर (अंबप), सुभाष पाटील (नागाव), सुभाष जाधव (घुणकी), रावसाहेब पाटील (भादोले), प्रतापराव पाटील (शिगाव), संदीप जाधव (येलूर), डॉ प्रताप पाटील (ऐतवडे खुर्द), श्रीनिवास डोईजड (चिकुर्डे), विजय पाटील (मांगले), श्यामराव पाटील (सागाव), किशोर पाटील (कणेगाव), विजय धनवडे (किणी), रवींद्र जाधव (बहिरेवाडी), काकासो चव्हाण (भेंडवडे), वैशाली पाटील (कोडोली), रंजना पाटील (कांदे). 

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com