राज्यात गारठा कायम राहणार 

उत्तर भारतातील शीत वाऱ्यांमुळे महाराष्ट्र गारठला आहे. शुक्रवारी (ता.२८) विदर्भ, उत्तर महाराष्ट्रात थंडीची लाट अनुभवायला मिळाली. धुळे येथील कृषी महाविद्यालयात ३.४ अंश सेल्सिअस तापमानाची नोंद झाली.
The hailstorm will continue in the state
The hailstorm will continue in the state

पुणे : उत्तर भारतातील शीत वाऱ्यांमुळे महाराष्ट्र गारठला आहे. शुक्रवारी (ता.२८) विदर्भ, उत्तर महाराष्ट्रात थंडीची लाट अनुभवायला मिळाली. धुळे येथील कृषी महाविद्यालयात ३.४ अंश सेल्सिअस तापमानाची नोंद झाली. आजपासून (ता. २९) उत्तर महाराष्ट्र, मराठवाडा, विदर्भातील थंडीची लाट ओसरणार असली, तरी गारठा मात्र कायम राहण्याची शक्यता हवामान विभागाने वर्तविली आहे.  राज्याच्या किमान तापमानात हळूहळू वाढ होऊ लागली असून, कमाल तापमानात चढ-उतार सुरूच आहेत. शुक्रवारी (ता.२८) राज्याच्या उत्तरेकडील जिल्ह्यामध्ये थंडीची लाटही कायम होती. निफाड येथील गहू संशोधन केंद्रात ४.६ अंश सेल्सिअस तापमानाची नोंद झाली. तर विदर्भात अनेक ठिकाणी पारा १० अंशांच्या खाली आल्याने, किमान तापमानात सरासरीपेक्षा ४.५ अंशांपेक्षा अधिक घट झाल्याने थंडीची लाट आली होती. मध्य महाराष्ट्र आणि मराठवाड्यातही काही ठिकाणी तापमान १० अंशांच्या खाली आहे.  एकामागोमाग येणाऱ्या पश्‍चिमी चक्रावातामुळे वायव्य आणि मध्य भारतातील राज्यामध्ये थंडी, पाऊस, गारपीट होत आहे. तर हिमालय पर्वत आणि लगतच्या भागात हिमवृष्टी सुरू आहे. शुक्रवारी (ता.२८) राजस्थानातील सिकार व भिलवाडा येथे देशाच्या सपाट भूभागावरील नीचांकी १.८ अंश सेल्सिअस तापमानाची नोंद झाली. आज (ता. २९) मध्य प्रदेश, राजस्थान, छत्तीसगड, ओडिशा या राज्यांत थंडीची लाट येण्याचा इशारा हवामान विभागाने दिला आहे. 

१० अंशांपेक्षा कमी तापमान असलेली ठिकाणे    धुळे ३.४, निफाड ४.६, औरंगाबाद ८.१, गोंदिया ८.२, नागपूर ८.४, वर्धा ८.४, बुलडाणा ८.५, मालेगाव ८.८, यवतमाळ ९.०. पुणे ९.३, ब्रह्मपुरी ९.३, जळगाव ९.३, वर्धा ९.४, गडचिरोली ९.४, अकोला ९.५ 

शुक्रवारी (ता. २८) सकाळपर्यंतच्या २४ तासांमध्ये राज्यात विविध ठिकाणी नोंदले गेलेले कमाल तापमान, कंसात किमान तापमान (अंश सेल्सिअसमध्ये) : 

पुणे २७.२ (९.३), नगर २८.९ (-), धुळे २४.५ (३.४), जळगाव २६ (९.३), कोल्हापूर २८.३ (१६.३), महाबळेश्‍वर २३.८ (१०.५), मालेगाव - (८.८), नाशिक २५.८ (१०.३), निफाड २४.५ (४.६), सांगली २९.४ (१९.३), सातारा २७.७ (१४.२), सोलापूर ३०.३ (१२.४), सांताक्रूझ ३२ (१९), अलिबाग ३१.२ (१७.९), डहाणू २८.२ (१४.८), रत्नागिरी ३२.५ (२०.९), औरंगाबाद २६.८ (८.१), नांदेड २८ (११.४), उस्मानाबाद - (१२), परभणी २६.५ (१०.१), अकोला २६.५ (९.५), अमरावती २५.६ (१०.१), बुलडाणा २५.४ (८.५), ब्रह्मपुरी २५.४ (९.३), चंद्रपूर २५.६ (१०.०), गडचिरोली २५.४(९.४), गोंदिया २३.५ (८.२), नागपूर २४.६ (८.४), वर्धा २५.८(८.४), यवतमाळ ३०.५ (९).

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com