अतिवृष्टीचा हिंगोलीतील ७१ गावांत दणका

हिंगोली ः जिल्ह्यात यंदाच्या पावसाळ्यात जुलै महिन्यात सोमवार (ता. १२) ते बुधवार (ता.१४) या कालावधीत अतिवृष्टी झाली.
Heavy rains hit 71 villages in Hingoli
Heavy rains hit 71 villages in Hingoli

हिंगोली ः जिल्ह्यात यंदाच्या पावसाळ्यात जुलै महिन्यात सोमवार (ता. १२) ते बुधवार (ता.१४) या कालावधीत अतिवृष्टी झाली. त्यामुळे औंढा नागनाथ, वसमत, सेनगाव, कळमनुरी या चार तालुक्यांतील ७१ गावांतील ४ हजारांवर हेक्टरवरील पिकांचे नुकसान झाल्याचा प्राथमिक अंदाज आहे, अशी माहिती निवासी उपजिल्हाधिकारी गोविंद रणवीरकर यांनी दिली.

जिल्ह्यात जून महिन्यात सरासरी पेक्षा जास्त पाऊस झाला. त्यानंतर काहीदिवस उघडीप दिल्यानंतर सोमवार (ता.१२) ते बुधवार (ता.१४) या कालावधीत औंढानागनाथ, वसमत, सेनगाव, कळमनुरी तालुक्यातील अनेक मंडळांमध्ये अतिवृष्टी झाली. त्यामुळे ओढे, नाले, नद्यांच्या पुराचे पाणी उभ्या पिकांमध्ये शिरले. वेगवान प्रवाहामुळे जमिनी खरडून गेल्या. त्यासोबत उगवलेली पिके देखील वाहून गेली. सोयाबीन, तूर, हळद या प्रमुख शेतीपीकांसह फळे, भाजीपाला पिकांचे मोठे नुकसान झाले.

प्राथमिक अंदजानुसार चार तालुक्यातील एकूण ७१ गावांतील ४ हजार ९७ हेक्टरवरील पिकांचे नुकसान झाले. त्यात ६४६.२५ हेक्टरवरील पिकांचे ३३ टक्केपेक्षा अधिक नुकसान झाले आहे. औंढा नागनाथ तालुक्यातील नुकसानग्रस्त गावे तसेच क्षेत्र सर्वाधिक आहे. स्थळ पंचनामे केल्यानंतर अंतिम नुकसानीचे क्षेत्र स्पष्ट होईल, असे सूत्रांनी सांगितले.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com