नांदेडमध्ये थकीत ‘एफआरपी’साठी धरणे

ऊस गाळप होऊनही पैसे न दिल्याने शेतकऱ्यांनी थकीत एफआरपीच्या मागणीसाठी नांदेड येथील साखर सहसंचालक कार्यालयात सोमवारी धरणे आंदोलन केले.
Hold for tired ‘FRP’ in Nanded
Hold for tired ‘FRP’ in Nanded

नांदेड : ऊस गाळप होऊनही पैसे न दिल्याने शेतकऱ्यांनी थकीत एफआरपीच्या मागणीसाठी नांदेड येथील साखर सहसंचालक कार्यालयात सोमवारी धरणे आंदोलन केले. यावेळी अधिकारी उपस्थित असल्यामुळे खुर्चीला निवेदन देण्यात आले.

नांदेड सहसंचालक कार्यालय (साखर) अंतर्गत येणाऱ्या जिल्ह्यातील शेतकऱ्यांचा ऊस गाळप होऊन सहा महिन्यांपेक्षा अधिक कालावधी उलटला आहे. परंतु अनेक शेतकऱ्यांना ऊस गाळप झालेल्या उसाची पूर्ण रक्कम मिळाली नाही. काही कारखान्यांनी अग्रिम देऊन शिल्लक रक्कम देण्यास टाळाटाळ केली. यामुळे साखर सहसंचालकांना वेळोवेळी निवेदन देण्यात आले, परंतु शेतकऱ्यांना पूर्ण एफआरपी मिळाली नाही. यामुळे शिवसेनेचे शेतकरी नेते प्रल्हाद इंगोले यांच्या नेतृत्वाखाली सोमवारी (ता. १४) जिल्ह्यातील शेतकऱ्यांनी नांदेड येथील साखर सहसंचालक कार्यालयाला घेराव घातला. यावेळी अधिकारी उपस्थित नसल्याने शेतकऱ्यांनी निवेदन खुर्चिला डकविले. आंदोलनकर्त्या शेतकऱ्यांमध्ये बालाजी करकुले, एकनाथ माचनवाड, माधव शाहिरे, सीताराम गव्हाणे, दिगंबर करकुले, तुकाराम माचनवाड, नागोराव घारके, विश्वंभर माचनवाड, दत्ता बुचडे, दत्ता गुंडे, संजय गव्हाणे, नवनाथ गायकवाड, अमृता जंगमवाड आदी शेतकरी उपस्थित होते.

महाराष्ट्र शुगर या कारखान्याचे शेतकऱ्यांची देणी असलेले एक कोटी रुपये परभणी जिल्हाधिकारी यांच्याकडे पडून आहेत. ती रक्कम तत्काळ मागून घ्यावी. तसेच नांदेड जिल्ह्यातील शेतकऱ्यांची बाकी परभणी जिल्हाधिकारी देऊन सदरचे पैसे शेतकऱ्याला तत्काळ मिळून देण्यात यावे, अशी मागणी यावेळी शेतकऱ्यांकडून करण्यात आली.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com