‘लंम्पी स्किन’च्या नियंत्रणासाठी गोठा स्वच्छ ठेवा : डॉ.काळूसे

नाशिक : जनावरांमधील लंम्पी आजाराचा प्रभाव कमी करण्यासाठी या विषाणूजन्य त्वचारोगाच्या लक्षण व उपचाराबरोबरच प्रतिबंधात्मक उपचार म्हणून गोठा नेहमी स्वच्छ ठेवा.
 Keep the cowshed clean to control 'Lumpy Skin': Dr. Kaluse
Keep the cowshed clean to control 'Lumpy Skin': Dr. Kaluse

नाशिक : जनावरांमधील लंम्पी आजाराचा प्रभाव कमी करण्यासाठी ताप कमी करण्याची औषधे, अ व ई जीवनसत्व, जखमेवरील मलम इत्यादींचा वापर करावा. जनावरास मऊ व हिरवा चारा, भरपूर पाणी द्यावे. या विषाणूजन्य त्वचारोगाच्या लक्षण व उपचाराबरोबरच प्रतिबंधात्मक उपचार म्हणून गोठा नेहमी स्वच्छ ठेवा, असा सल्ला कृषी विज्ञान केंद्र, बुलडाण्याचे पशु संवर्धन व दुग्धशास्त्र विभागाचे विषय विशेषज्ञ डॉ. गणेश काळूसे यांनी दिला.

के. के. वाघ कृषी महाविद्यालयातर्फे ग्रामीण कृषी कार्यानुभव व कृषी औद्योगिकता कार्यक्रम २०२०-२१ अंतर्गत ''जनावरातील लंम्पी त्वचारोगाविषयी काळजी व उपचार नियंत्रण'' या विषयावर मार्गदर्शनसाठी ऑनलाइन शेतकरी मेळावा घेण्यात आला. 

डॉ. काळूसे म्हणाले, ‘‘निरोगी जनावरांच्या गोठ्यात डास, गोचीड, माश्या यांसारख्या किटकांची संख्या कमी करण्यासाठी वेळोवेळी औषधांची फवारणी करावी.  हा त्वचारोग विषाणूमुळे होतो. या आजारात जनावरांच्या शरीरावर कडक व गोल आकाराच्या गाठी येतात. निमोनिया व श्वसन संस्थचे लक्षणे दिसतात. बाधित जनावरांच्या डोळ्यातून व नाकातून पाणी येते. गाई व म्हशीमधील सर्व वयाच्या जनावरांना हा त्वचारोग होऊ शकतो.’’  

‘‘आजाराचा प्रसार कीटकांमार्फत तसेच बाधित जनावराच्या त्वचेवरील व्रण, नाकातील स्राव, दुध, स्पर्शाद्वारे होऊ शकतो. यासाठी बाधित जनावराना वेगळे ठेवावे. या आजारात बाधित जनावरे अशक्त होतात, दुध क्षमता व प्रजनन क्षमतेवर ही परिणाम होतो,’’ असेही काळूसे म्हणाले.  

महाविद्यालयाचे प्राचार्य डॉ. सतिशकुमार हाडॊळे आदींचे मार्गदर्शन लाभले. 

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com