मजुरांच्या भत्त्यासाठी किसान सभेचे जुन्नर येथे उपोषण

पुणे : मजुरांनी रोजगार हमीच्या कामाची मागणी करूनही प्रशासनाने काम दिले नाही. त्यामुळे कायद्याने देय बेरोजगार भत्ता मजुरांना मिळावा, यासाठी बुधवार (ता.२)पासून किसान सभेचे पदाधिकारी आणि मजुरांचे प्रतिनिधी जुन्नर येथे तहसील कार्यालयासमोर बेमुदत उपोषणाला बसले आहेत.
Kisan Sabha's fast at Junnar for workers' allowance
Kisan Sabha's fast at Junnar for workers' allowance

पुणे : मजुरांनी रोजगार हमीच्या कामाची मागणी करूनही प्रशासनाने काम दिले नाही. त्यामुळे कायद्याने देय बेरोजगार भत्ता मजुरांना मिळावा, यासाठी बुधवार (ता.२)पासून किसान सभेचे पदाधिकारी आणि मजुरांचे प्रतिनिधी जुन्नर येथे तहसील कार्यालयासमोर बेमुदत उपोषणाला बसले आहेत. तर प्रशासनासोबतची पहिली चर्चा निष्फळ ठरली आहे.

उपोषणाला किसान सभेचे पुणे जिल्हा उपाध्यक्ष विश्‍वनाथ निगळे, तालुका सचिव लक्ष्मण जोशी, सरपंच मुकुंद घोडे, नारायण वायाळ, संदीप शेळकंदे आदी बसले आहेत. किसान सभेने म्हटले आहे, की ग्रामीण आदिवासी भागामध्ये रोजगाराची मोठी समस्या आहे. या भागातील मजूर रोजगारासाठी कोणत्या यातना भोगतात, हे आपण जाणतोच आहोत. रोजगार हमीचा कायदा होऊन १७ वर्षे झाली. परंतु अद्याप प्रशासनाकडून ना कधी कायदा सांगितला ना कोणाला काम दिले.

वैयक्तिक लाभाच्या योजनांमध्ये घरकुल, शौचालय, फळबाग लागवड, शोषखड्डे, गांडूळ खत ही मजूरप्रधान कामे नाहीतच. त्यामुळे मजुरांचा रोजगारच प्रश्‍न सुटत नाही. मजुरांचे स्थलांतर आणि वणवण कधीही थांबली नाही. गेल्या वर्षी ऑगस्ट - सप्टेंबरमध्ये ५०० हून अधिक मजुरांनी वेगवेगळ्या ग्रामपंचायतींत काम मागणीचे अर्ज केले. यातील काहींनी अर्जाच्या पोहोच दिल्या. काहींनी पोहोच दिल्या नाहीत, तर काहींनी अर्जच स्वीकारले नाहीत. त्यामुळे किसान सभेने बेरोजगार भत्त्यासाठी उपोषणाचा निर्णय घेतला आहे.

चर्चेची पहिली फेरी निष्फळ

किसान सभेचे शिष्टमंडळ आणि तालुका प्रशासनाची चर्चेची पहिली फेरी झाली. जवळपास ५०० मजुरांची दोन कोटी रुपयांची ६ महिन्यांची मजुरी बुडविल्याने असल्याचे संघटनेने स्पष्ट केले. त्यामुळे कोणत्या तारखेपर्यंत बेरोजगार भत्ता देणार, या बाबत लेखी खुलासा संघटनेला करावा. अन्यथा, उपोषण चालूच राहणार, अशी भूमिका घेतली आहे.   

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com