जनावरांमध्ये `लंपी स्किन`चा संसर्ग

नांदेड ः अर्धापूर परिसरात गाय, बैल आदी गोवंशीय जनावरांना ‘लंपी स्किन’ या विषाणूजन्य आजाराचा संसर्ग झाला आहे.
Lampy skin infection in animals
Lampy skin infection in animals

नांदेड  ः अर्धापूर परिसरात गाय, बैल आदी गोवंशीय जनावरांना ‘लंपी स्किन’ या विषाणूजन्य आजाराचा संसर्ग झाला आहे. या आजारावरील उपचारांसाठी पशुवैद्यकीय चिकित्सालयामध्ये पुरेशा प्रमाणात औषधे, गोळ्या उपलब्ध करुन द्याव्या, अशी मागणी शेतकऱ्यांनी केली.

गेल्या पंधरा दिवसांपासून अर्धापूर परिसरातील शेतकऱ्यांकडील गाई तसेच बैलांच्या अंगावर मोठ्या आकाराच्या गाठी येत आहेत. अंग सुजत आहे.अंगात ताप भरल्याने जनावरे वैरण खात नाहीत. त्यामुळे शेतकरी चिंताग्रस्त झाले आहेत. या ठिकाणाच्या पशुवैद्यकीय चिकित्सालयामध्ये पुरेशा प्रमाणात औषधांचा साठा उपलब्ध करावा, अशी मागणी शेतकरी ज्ञानेश्वर माटे यांनी केली. 

पशुवैद्यकीय अधिकारी डॉ. स्मिता उके म्हणाल्या, ‘‘सध्या बाधित जनावरांवर उपचार केले जात आहेत. हा आजार बरे होण्यासाठी किमान दहा दिवसांचा कालावधी लागू शकतो. शेतकऱ्यांनी आजारी जनावरांना पशुचिकित्सालयात उपचारासाठी आणावे’’ 

पशुवैद्यकीय महाविद्यालयाचे सहयोगी अधिष्ठाता डॉ. नितीन मार्कंडेय म्हणाले, ‘‘‘लंपी स्किन’ आजार विषाणूजन्य आहे. निरोगी जनावरांना संसर्ग होऊ, यासाठी आजारी जनावर विलगीकरणात ठेऊन उपचार करावे.`` 

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com