खासदार गोडसेंकडून कृषी योजनांच्या कामांची पाहणी

नाशिक: शेतीच्या प्रगतीची पाहणी करण्यासाठी सोमवारी (ता.३०)खासदार हेमंत गोडसे यांनी ग्रामीण भागात दौरा केला.
MP Godse inspects the work of agricultural schemes
MP Godse inspects the work of agricultural schemes

नाशिक : शेतकऱ्यांच्या हितासाठी शासनाने आणलेल्या योजना शेतकऱ्यांपर्यंत पोहचतात की नाही, तसेच अनुदानातून साधनसामुग्री उभारून शेतीच्या प्रगतीची पाहणी करण्यासाठी सोमवारी (ता.३०)खासदार हेमंत गोडसे यांनी ग्रामीण भागात दौरा केला. त्यात त्यांनी कृषी विभागाच्या अधिकाऱ्यांसह शेतकऱ्यांशी संवाद साधला. समस्या जाणून घेतल्या. 

ठिबक सिंचन योजना, राष्ट्रीय कृषी विकास योजना, विमा योजना, मृदा आरोग्य पत्रिका, (माती परिक्षण), कृषियांत्रिकी योजना आदी केंद्र शासनाच्या योजना आहेत. त्याद्वारे शेतकऱ्यांच्या प्रगतीसाठी विशेष अनुदान दिले जाते. या योजनांचा शेतकऱ्यांना नेमका किती आणि कसा लाभ होतो, याची माहिती गोडसे यांनी यावेळी जाणून घेतली. नाशिक, सिन्नर, इगतपुरी या तालुक्यांमधील ग्रामीण भागाचा त्यांनी दौरा केला. 

नाशिक तालुक्यातील दोनवाडे येथून पाहणी दौऱ्याला प्रारंभ झाला. येथील संजय त्र्यंबक सांगळे यांच्या शेडनेट तसेच काशिनाथ वाघ यांच्या पॉलीहाऊसची त्यांनी पाहणी केली. त्यानंतर सोमनाथ सांगळे यांनी शासनाच्या अनुदानातून उभारलेल्या कांदाचाळीची पाहणी करून त्यासाठी शासनाकडून पुरेसे अनुदान मिळते का? याची माहिती गोडसे यांनी घेतली.

सिन्नर तालुक्यातील पांढुर्ली येथे विलास बोराडे यांच्या द्राक्ष बागांची पाहणी केली. पांढुर्ली शिवारात कृषी यांत्रिकी योजनेंतर्गत लाभार्थ्यांना शासनाच्या अनुदानातील साधन सामग्रीचे वाटप करण्यात आले. 

साकूर फाट्यावर भाजीपाला विक्री केंद्र 

इगतपुरी तालुक्यातील साकूर फाटा येथे ‘विकेल ते पिकेल’ या शासनाच्या धोरणांतर्गत थेट भाजीपाला विक्री केंद्राचे उद्‌घाटन करण्यात झाले. त्रिगंलवाडी येथील पाणलोट विकास योजनेतून झालेल्या कामांची सविस्तर माहिती जाणून घेतली.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com