अकोला ः कापसाला उच्चांकी दर मिळवून देणाऱ्या अकोट कृषी उत्पन्न बाजार समितीत तुरीलाही इतर बाजार समित्यांमधील दरांपेक्षा अधिक दर मिळत आहेत. बुधवारी (ता. ५) या बाजारात सुमारे दीड हजार पोत्यांची आवक झाली. तुरीला कमाल दर ६४२५ रुपये मिळाला. इतर बाजारांमध्ये तुरीचा दर हा ६२०० च्या आतच मिळत आहे.
अकोट बाजार समितीत नव्या तुरीची आवक सुरू झाली आहे. येथील आवक दररोज वाढत आहे. बुधवारी बाजार समितीत १५१० क्विंटल तुरीची आवक झाली होती. तुरीला किमान दर ५१५० रुपये, तर कमाल दर ६४२५ रुपये दर मिळाला आहे. जिल्ह्यात नवीन तुरीची काढणी काही भागांत सुरू झाली आहे. या ठिकाणी खुल्या पद्धतीने खरेदी होत असल्याने चांगल्या मालाला दर मिळत आहे. यामुळे येथे तुरीला ६४२५ रुपयांचा यंदाचा सर्वाधिक दर मिळाला.
खामगावमध्ये बुलडाणा जिल्ह्यातील प्रमुख असलेल्या खामगाव बाजार समितीत तुरीची विक्री दिवसेंदिवस वाढत आहे. या बाजारात तूर (चारू) ५९०० ते ६४०० आणि तूर (मारुती) ५५०० ते ६२०० रुपये प्रतिक्विंटल दराने विक्री झाली.
तुरीचा सरासरी दर हमीभावाच्या आत
यंदा तुरीला ६३०० रुपये प्रतिक्विंटल दर जाहीर झाला आहे. सध्या कुठल्याही बाजारात तुरीला सरासरी दर मिळेनासा झाला आहे. उच्चांकी दर काही मोजक्याच मालाला मिळत आहे. त्यानंतर उर्वरित माल हा साडेपाच हजारांच्या आतच मिळत असल्याचे शेतकरी सांगत आहेत.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.