जळगाव येथे खासगी खरेदीदारांकडून कमी दराने दूध खरेदी

खर्च वाढला, पण उत्पन्न कमी अशी आमची अवस्था झाली आहे. दूध दर कमी झाल्याने लाखो रुपयांची लूट खासगी खरेदीदार करीत आहेत. - संदीप नारखेडे, दूध उत्पादक, आसोदा, जि. जळगाव
दूध पुरवठा
दूध पुरवठा
जळगाव : दुधाचे दर सहकारी संस्थांनी लिटरमागे तीन रुपयांनी घटविल्यानंतर खासगी खरेदीदारांनी दूध उत्पादकांची लुबाडणूक सुरू केली आहे. त्यामुळे शेतकऱ्यांचे लाखो रुपयांचे नुकसान रोज होत आहे. 
 
गायीच्या दुधाला २१ रुपये दर तर म्हशीच्या दुधाला ३० ते ३१ रुपये दर खासगी खरेदीदार देत आहेत. खासगी खरेदीदारांवर कुणाचेही नियंत्रण नसल्याने त्यांचे चांगलेच फावले आहे. सहकारी दूध सोसायटीत गायीच्या दुधाला प्रतिलीटर २४ रुपयांपर्यंत तर म्हशीच्या दुधाला ३३ रुपये दर एक लिटरमागे मिळत आहे.
 
जळगाव जिल्हा सहकारी दूध उत्पादक संघाने ऑक्‍टोबरमध्ये दूध दरात कपात केली. म्हैस व गायीचे दूध दर लिटरमागे तीन रुपये कमी केले. संघाचे दूध संकलन ३० ते ३५ हजार लिटरने वाढले, शिवाय दूध पावडर व लोणीला हवा तसा उठाव नाही. दूध पावडरचे दर कमी झाले म्हणून दुधाचे खरेदी दर कमी केले आहेत. दूध संघाचे रोजचे संकलन दोन लाख लिटरवर पोचले आहे. त्यात गायीच्या दुधाची अधिक आवक आहे.  

दूध दर कमी झाले, पण पशुखाद्याचे दर कमी झाले नाहीत. चाराही निकृष्ट असून दादरचा कडबा ३५०० रुपये शेकडा तर मक्‍याचा कडबा १२०० रुपये शेकड्यापेक्षा अधिक दरात मिळतोय. दादरचा चारा कमी आहे. मक्‍याचा चारा निकृष्ट झाला आहे.

ज्वारीची पेरणीच कमी होती. आणि पावसाच्या लहरीपणाचा फटका ज्वारीला बसल्याने चारा हवा तसा नाही. एकीकडे उत्पादन खर्च वाढला, दुसरीकडे दूध दर कमी असल्याने मोठे आर्थिक नुकसान दूध उत्पादकांना सहन करावे लागत आहे. 

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com