मराठवाड्यातील १९८ मंडळांत पाऊस

मराठवाड्यातील १९८ मंडळांत पाऊस
मराठवाड्यातील १९८ मंडळांत पाऊस

औरंगाबाद  : सलग दुसऱ्या दिवशीही पावसाचा जोर कायम राहिला. मराठवाड्यातील औरंगाबाद, जालना, बीड, उस्मानाबाद व लातूर या पाच जिल्ह्यांतील १९८ मंडळात सोमवारी (ता. २४) सकाळपर्यंतच्या चोवीस तासांत पावसाने हजेरी लावली. आठही जिल्ह्यांतील सात मंडळात अतिवृष्टी झाली. त्यामध्ये लातूर व परभणी जिल्ह्यांतील प्रत्येकी एक, बीड जिल्ह्यातील तीन व उस्मानाबाद जिल्ह्यातील दोन मंडळाचा समावेश आहे. बीड जिल्ह्यात पावसाचा जोर सर्वाधिक होता. 

औरंगाबाद जिल्ह्यातील ६५ पैकी ५० मंडळात पाऊस झाला. जिल्ह्यातील गंगापूर, खुल्ताबाद व सिल्लोड तालुक्‍यांत पावसाचा जोर अधिक होता. जालना जिल्ह्यातील ४९ पैकी २३ मंडळात पाऊस झाला. भोकरदन व घनसावंगी तालुक्‍यात पावसाचा जोर अधिक होता. बीड जिल्ह्यातील ६३ पैकी ५१ मंडळात पावसाने मध्यम, दमदार ते हलकी हजेरी लावली. केज, बीड, पाटोदा, आष्टी, गेवराई, धारूर तालुक्यांत पावसाचा जोर सर्वाधिक होता.

लातूर जिल्ह्यातील ५३ मंडळांपैकी निलंगा व शिरूर अनंतपाळ तालुक्‍यातील काही मंडळांचा अपवाद वगळता ४५ मंडळात झालेल्या पावसाचा जोर हलका ते तुरळक स्वरूपाचा होता. उस्मानाबाद जिल्ह्यातील ४२ पैकी २९ मंडळात पावसाची हजेरी लागली. तुलनेने तुळजापूर व उमरगा तालुक्‍यांत पावसाचा जोर अधिक होता. 

मंडळे, पाऊस (मिमीमध्ये)  

औरंगाबाद लाडसावंगी २४, गोळेगाव ५५ , अजिंठा २२, सोयगाव ३०, सिद्‌धनाथवडगाव २३, हर्सूल २८, डोणगाव २५, वेरूळ २०, बाजारसावंगी २५
जालना भोकरदन २५ , सिपोरा बाजार ४५, धावडा २९, पिंपळगाव रेणूकाई ४२, हस्नाबाद २०, अन्वा ४२,तिर्थपूरी ३२, अंतरवली टेंबी २१
बीड बीड ४०, पेंडगाव ३७, मांजरसुंभा ३७ चौसाळा ४०, नाळवंडी २१, पाली ३७, म्हळसजवळा २०, थेरला ३०, अमळनेर ३०, दासखेड ४०, आष्टी ३९, कडा ३०, धामणगाव ४७, गेवराई ४२, धोंडराई २७,  शिरूर कासार ३९, दिंद्रूड ५०, विडा ३२, नांदूरघाट २७, धारूर ३२
लातूर हेर ४१, देवर्जन ३१, नागलगाव ३१, निलंगा ३७, कासार शिरस्ती ४१, मदनसुरी ३४, कासार बालकुंदा ३२, वलांडी २२, बोरोळ २०, शिरूर अनंतपाळ ३०, हिसामाबाद ५४, साकोळ ४०
उस्मानाबाद नळदूर्ग २७, उमरगा ५०, मुरूम ३४, मुळज ६४, इटकूर ६४, पारगाव २३, अनाळा ५०

६५ मिलिमीटरपेक्षा जास्त पावसाची मंडळे

सेलू ७५
केज  ६७ 
हनुमंत पिंपरी  ६५ 
होळ ६८ 
उदगीर ८०
जळकोट ७५
वाशी ११४

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com