करमाळ्यातील खडकीत बिबट्यासदृष्य प्राण्याचा वावर

करमाळा, जि. सोलापूर: खडकी (ता. करमाळा) गावाच्या परिसरात ग्रामस्थांनी बिबट्यासदृष्य प्राणी पाहिला आहे. सध्या करमाळा तालुक्‍याच्या शेजारील जामखेड भागात बिबट्यांचा वावर आहे.
 In the rocks of Karmala A leopard-like animal
In the rocks of Karmala A leopard-like animal

करमाळा, जि. सोलापूर : खडकी (ता. करमाळा) गावाच्या परिसरात ग्रामस्थांनी बिबट्यासदृष्य प्राणी पाहिला आहे. सध्या करमाळा तालुक्‍याच्या शेजारील जामखेड भागात बिबट्यांचा वावर आहे. त्यामुळे लोकांमध्ये भितीचे वातावरण आहे. 

खडकी येथील मुळे वस्तीवरील ग्रामस्थांनी सोमवारी (ता.३०) बिबट्या पाहिल्याने ग्रामस्थ दुपारपासून घरावर चढून बसले आहेत. प्रशासनाने याची दखल घेऊन त्वरित वन विभागामार्फत याचा बंदोबस्त करावा, अशी मागणी ग्रामस्थांकडून केली जात आहे. या परिसरात बिबट्याने धुमाकूळ घातल्याने घबराटीचे वातावरण आहे. 

बिबट्या सध्या करमाळा तालुक्‍याच्या शेजारी असलेल्या जामखेड तालुक्‍यात आला आहे. करमाळा तालुक्‍याच्या सीमेवर असलेल्या खडकी गावाच्या परिसरात बिबट्याचा वावर आहे. त्यामुळे जामखेड भागातील बिबट्या करमाळ्यात शिरला असल्याची शक्‍यता व्यक्त केली जात आहे. त्यामुळे या भागातील खडकी, कामोणे, जातेगांव, आळजापूर, मांगी, पोथरे भागातील शेतकरी घाबरले आहेत. 

वनविभागाला पाहणी करण्याच्या सूचना

याबाबत तहसीलदार समीर माने यांना ग्रामस्थांनी संपर्क केला. तहसीलदार माने यांनी तत्काळ वन विभागाच्या अधिकाऱ्यांना या भागाची पाहणी करण्याच्या सूचना केल्या असल्याचे सांगण्यात आले.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com