सांगली जिल्हा बँकेच्या उपाध्यक्ष पदाची उत्सुकता

सांगली ः जिल्हा बँकेत अध्यक्षपदी आमदार मानसिंगराव नाईक यांची निवड जवळपास निश्‍चित झाली आहे. काँग्रेसमधील कोणाला उपाध्यक्ष पद मिळणार आहे, त्याकडे सर्वांचे लक्ष आहे.
Of Sangli District Bank Curiosity for the post of vice president
Of Sangli District Bank Curiosity for the post of vice president

सांगली ः जिल्हा बँकेत अध्यक्षपदी आमदार मानसिंगराव नाईक यांची निवड जवळपास निश्‍चित झाली आहे. काँग्रेसमधील कोणाला उपाध्यक्ष पद मिळणार आहे, त्याकडे सर्वांचे लक्ष आहे. आता उपाध्यक्षपदाची उत्सुकता असून, निवडीचे अधिकार सहकार राज्यमंत्री विश्‍वजित कदम यांना देण्यात आले आहेत.  त्यामुळे त्यांच्या निर्णयाकडे लक्ष लागले आहे.

जिल्हा बँकेच्या संचालक मंडळाची निवडणूक नुकतीच झाली. या निवडणुकीत महाआघाडीतील राष्ट्रवादी काँग्रेस, काँग्रेस व शिवसेनेच्या सहकार विकास पॅनेलने २१ पैकी १७ जागांवर विजय मिळवत वर्चस्व सिद्ध केले. विरोधी भाजपप्रणीत शेतकरी विकास पॅनेलने चार जागा राखत ताकद दाखवली. निवडणुकीत महाआघाडीतील राष्ट्रवादीला ९, काँग्रेसचे ४, तर शिवसेनेला ३ जागा मिळाल्या आहेत.

अध्यक्षपदावर राष्ट्रवादीचा दावा असून आमदार नाईक हे प्रबळ दावेदार मानले जातात. तरीही काँग्रेसनेही शेवटची दोन वर्षे अध्यक्षपद मागितली आहेत. मात्र त्यावर अद्याप निर्णय झालेला नाही. अध्यक्षपद आधी काँग्रेसला घ्यायचे की नंतर घ्यायचे? तसेच उपाध्यक्षपद आधी घेतले तर संधी कोणाला द्यायची? या बाबतचे सर्वाधिकार कदम यांना देण्यात आले आहेत.

कदम यांनी अद्याप याबाबत जिल्हा बँकेमध्ये निवडून आलेल्या संचालकांशी चर्चा केलेली नाही. राष्ट्रवादीचे प्रदेशाध्यक्ष जयंत पाटील व राज्यमंत्री कदम आणि आमदार अनिल बाबर यांच्यातही चर्चा झालेली नाही. त्यामुळे चर्चेनंतरच अध्यक्ष, उपाध्यक्षांच्या नावावर शिक्कामोर्तब होईल. अध्यक्षपदी आमदार नाईक यांच्यावर शिक्कामोर्तब झाले असून घोषणा फक्त बाकी आहे. काँग्रेसला उपाध्यक्षपद मिळणार असून, कोणाला बहुमान मिळणार याची उत्सुकता आहे. उपाध्यक्षपद निवडीचा कार्यक्रम ६ डिसेंबरला होणार आहे. त्यामुळे बैठक होऊन निर्णय घेतला जाईल.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com