दुर्मिळ देशी वाण बियाणे  निर्मिती बँक स्थापन करणार 

आगामी काळात महिलांच्या पुढाकारातून दुर्मिळ देशी वाण बियाणे बँक स्थापन करण्याचा मानस असल्याचे प्रतिपादन शिरोळच्या श्री दत्त सहकारी साखर कारखान्याचे अध्यक्ष गणपतराव पाटील यांनी केले.
दुर्मिळ देशी वाण बियाणे  निर्मिती बँक स्थापन करणार  Seeds of rare native varieties Will set up a production bank
दुर्मिळ देशी वाण बियाणे  निर्मिती बँक स्थापन करणार  Seeds of rare native varieties Will set up a production bank

कोल्हापूर : निरोगी व तंदुरुस्त शरीरासाठी चांगला व सकस आहार महत्त्वाचा आहे. त्यामुळे देशी वाणाचे बियाणे संकलित करून त्यांची लागवड करण्यासाठी महिलांनी पुढाकार घ्यावा. आगामी काळात महिलांच्या पुढाकारातून दुर्मिळ देशी वाण बियाणे बँक स्थापन करण्याचा मानस असल्याचे प्रतिपादन शिरोळच्या श्री दत्त सहकारी साखर कारखान्याचे अध्यक्ष गणपतराव पाटील यांनी केले.  स्व. डॉ. आप्पासाहेब उर्फ सा. रे. पाटील सोशल फाउंडेशनच्या वतीने शेडशाळ (ता. शिरोळ) येथील महिला बचत गटांच्या महिलांची देशी वाण बियाण्यांची लागवड व संगोपन या विषयी दत्त साखर कारखान्याच्या कार्यस्थळावर बैठक झाली. त्यावेळी पाटील बोलत होते.  बैठकीत आगामी काळात देशी वाण बियांची बँक स्थापन करण्याबाबत महिलांनी सर्वानुमते मान्यता दिली. शेडशाळमधील १३ बचत गटांमधील महिला उपस्थित होत्या. या वेळी विविध प्रकारचे ४२ देशी वाण बिया उपलब्ध करण्यात आले. महिलांना बियाणे वाटप करून चांगल्या पद्धतीने लागवड व संवर्धन करण्याबाबत विशेष सूचना देण्यात आल्या. या उपक्रमात महिला उत्स्फूर्तपणे सहभाग घेत असून, हा प्रयोगशील देशी वाण बियाणे लागवड पॅटर्न यशस्वी करणार असल्याचे शमा पठाण यांनी सांगितले.  या वेळी जयश्री शिरढोणे, आक्काताई मगदूम, मालन आवळे, सुरेखा मानकापुरे, सुनिता कोळेकर यांच्यासह दत्त कारखान्याचे संचालक भैय्यासाहेब पाटील, कृषी विभागाचे ए. एस. पाटील, रवी पवार, काका चौगुले, संजय मगदूम, सुरेश केरीपाळे, महेश चौगुले, ऋषिकेश मिठारी, रावसाहेब चौगुले, दगडू माने आदी उपस्थित होते. अशोक शिरढोणे यांनी आभार मानले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com