लातूरमध्ये खरेदी केंद्रांवर तूर नोंदणीला अल्प प्रतिसाद

लातूर : जिल्ह्यात हमीदराने तूर खरेदीसाठी नोंदणीला नगण्य का होईना प्रतिसाद मिळाला. मात्र, मका, सोयाबीन, बाजरी आदी शेतमालाच्या नोंदणीला प्रतिसादच मिळाला नसल्याचे चित्र आहे.
 Short response to Tur registration at shopping centers
Short response to Tur registration at shopping centers

लातूर : जिल्ह्यात हमीदराने तूर खरेदीसाठी नोंदणीला नगण्य का होईना प्रतिसाद मिळाला. मात्र, मका, सोयाबीन, बाजरी आदी शेतमालाच्या नोंदणीला प्रतिसादच मिळाला नसल्याचे चित्र आहे.

बाजारात हमीदरापेक्षा कमी दराने शेतीमाल खरेदी केला जावू नये, या साठीचा हस्तक्षेप म्हणून शासनातर्फे हमीदराने शेतमाल खरेदी केंद्र सुरू करण्यात येतात. लातूर जिल्ह्यातही मका, सोयाबीन, बाजरी यासह तुरीची किमान आधारभूत किमतीने खरेदी केली जावी म्हणून शासनाच्या वतीने मार्केटिंग फेडरेशनच्या माध्यमातून खरेदी केंद्र सुरू करण्यात आली. परंतु, बाजारात हमीदरापेक्षा जास्तीचे दर मिळत असल्याने शेतकऱ्यांनी बाजरी, मका, सोयाबीनच्या नोंदणीला प्रतिसादच दिला नाही.

लातूर जिल्ह्यात तूर खरेदीसाठी ११ केंद्रे सुरू करण्यात आली. त्यामध्ये अहमदपूर, हलसी, औसा, भोपणी, चाकूर, देवणी, लातूर, रेणापूर, शिरूर अनंतपाळ, शिंदगी, उदगीर येथील केंद्रांचा समावेश आहे. या सर्व ११ केंद्रांवर आतापर्यंत २४६ शेतकऱ्यांनी तूर विक्रीसाठी नोंदणी केली आहे. त्यामध्ये औसा येथील केंद्रात सर्वाधिक ६३ शेतकऱ्यांनी नोंदणी केली. चाकूर येथे ५२, रेणापूर ३५, भोपणी ३३, लातूर २४, हलसी २०, अहमदपूर येथून ९, शिंदगी ५, देवणी व उदगीर येथील केंद्रात प्रत्येकी २, तर शिरूर अनंतपाळ येथील केंद्रात एक शेतकऱ्याने नोंदणी केली.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com