खानदेशात एकच केळी दर जाहीर करावा

जळगाव ः खानदेशात केळीचे वेगवेगळे दर रोज जाहीर होतात. रावेर बाजार समिती केळी दर जाहीर करते. त्यात जळगावसाठी वेगळे व रावेर भागासाठी वेगळे दर असतात. यात दरांमध्येही क्विंटलमागे २० ते ३० रुपयांची तफावत असते. एकच दर खानदेशसाठी जाहीर करण्याची मागणी शेतकरी करीत आहेत.
A single rates should be announced banana in Khandesh
A single rates should be announced banana in Khandesh

जळगाव ः खानदेशात केळीचे वेगवेगळे दर रोज जाहीर होतात. रावेर बाजार समिती केळी दर जाहीर करते. त्यात जळगावसाठी वेगळे व रावेर भागासाठी वेगळे दर असतात. यात दरांमध्येही क्विंटलमागे २० ते ३० रुपयांची तफावत असते. एकच दर खानदेशसाठी जाहीर करण्याची मागणी शेतकरी करीत आहेत. 

केळीची मध्यंतरी कमी दरात खरेदी केली जात होती. याची तक्रार शेतकऱ्यांनी जिल्हाधिकारी यांच्याकडे केली. या तक्रारीची किती दखल प्रशासनाने घेतली, हा मुद्दा आहे. पण केळीचे वेगवेगळे दर अनेक वर्षे जाहीर केले जात आहेत. यातच रावेर भागात कांदेबाग केळीची लागवड केली जात नाही. तरीदेखील रावेर बाजार समिती कांदेबाग केळीचे दर कसे जाहीर करते, हा प्रश्न जळगाव, चोपडा बाजार समिती व या भागातील शेतकरी उपस्थित करीत आहेत. 

कांदेबाग केळीची लागवड जळगाव, चोपडा, पाचोरा-भडगाव, जामनेर भागात असते. यामुळे याच भागातून कांदेबाग केळीचे दर जाहीर करण्याची कार्यवाही करण्याची मागणी शेतकऱ्यांनी केली आहे. 

रावेर बाजार समितीचा कांदेबाग केळीसंबंधीचा हस्तक्षेप बंद करावा. रावेर बाजार समिती दर जाहीर करते, पण कमी दरात केळी खरेदी करणाऱ्या व्यापाऱ्यांवर काय कारवाई केली? याचे उत्तर मात्र रावेर बाजार समिती देत नाही. रावेर बाजार समितीचे दर धुळे जिल्ह्यातही दिले जातात. यामुळे एकाच संस्थेने दर जाहीर करावेत व ते खानदेशसाठी लागू करावेत, अशी मागणी शेतकऱ्यांनी केली.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com