सांगली पशुसंवर्धन विभागाला रिक्त पदांचे ग्रहण

जिल्ह्यात पशुवैद्यकीयचे १०३ दवाखाने असून यामध्ये २३३ पदे मंजूर असून त्यापैकी ९२ पदे रिक्त आहेत. जिल्ह्यात पशुधनाची संख्या ९ लाख ९० हजार इतकी आहे.
Animal Husbandary
Animal Husbandary

सांगली ः जिल्ह्यात पशुवैद्यकीयचे १०३ दवाखाने असून यामध्ये २३३ पदे मंजूर असून त्यापैकी ९२ पदे रिक्त आहेत. जिल्ह्यात पशुधनाची संख्या ९ लाख ९० हजार इतकी आहे. त्यामुळे अपुऱ्या मनुष्यबळाअभावी आजारी पशुधनावर वेळेत औषधोपचार होत नाहीत. 

जिल्ह्यातील १३ लाख १७ हजार ८६६ इतके पशुधन आहे. त्यापैकी ९ लाख ९० हजार म्हैस, गाई, मेंढ्या यांची संख्या आहे. जिल्ह्यात पशुवैद्यकीयचे १०३ दवाखाने आहेत. पशुधनांना घटसर्प, फऱ्या, यासह अन्य साथींच्या रोगाचा प्रादुर्भाव होऊ नये म्हणून लसीकरण करण्यात येते. त्यानुसार लसी आणि औषधांची मागणी केली जाते. ही लस जनावरांना दिली जाते.  मात्र पशुसंवर्धन विभागात २३३ पदे मंजूर आहेत. त्यापैकी ९२ जागा रिक्त आहेत. या रिक्त जागा भरण्यासाठी शासनाने घोषणा केली होती. परंतु अद्यापही भरतीची प्रक्रिया पूर्ण झाली नाही.  जिल्ह्यात शेतीला पूरक व्यवसाय म्हणून दुग्ध व्यवसायाकडे शेतकरी पाहू लागले आहेत. गेल्या काही वर्षांपासून दुग्ध व्यवसाय प्रमुख होऊ लागला आहे. जिल्ह्यातील दररोजचे दूध संकलन १३ ते १४ लाख इतके आहे. तर आटपाडी तालुक्यात खिलार जनावरांची पैदास मोठ्या प्रमाणात केली जाते. मात्र पशुसंवर्धन विभागात पदे रिक्त असल्याने पशुधनाची तपासणी, लसीकरणासह अन्य औषधोपचार वेळेवर होत नाहीत. पशुसंवर्धन विभागातील रिक्त पदे ही मोठी समस्या आहे.  जिल्ह्यातील पशुधन (लाखांत)  ४.९२  म्हैस  ३.४१  गाई वर्ग  १.५७  मेंढ्या  ९.९०  एकूण 

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
logo
Agrowon
www.agrowon.com