बिळाशी परिसरातील ऊस लागला वाळू

बिळाशी, जि. सांगली ः जुलै-ऑगस्टमध्ये आलेल्या महापुरामुळे अनेक विद्युत खांब जमीनदोस्त झाले. ते पूर्ववत करण्यासाठी अजूनही महावितरण विभागाकडून दिरंगाई होत आहे.
In the vicinity of the cat Sugarcane is sand
In the vicinity of the cat Sugarcane is sand

बिळाशी, जि. सांगली ः जुलै-ऑगस्टमध्ये आलेल्या महापुरामुळे अनेक विद्युत खांब जमीनदोस्त झाले. ते पूर्ववत करण्यासाठी अजूनही महावितरण विभागाकडून दिरंगाई होत आहे. बिळाशीसह परिसरातील अकरा गावातील विशेषतः ऊस पीक पाण्याअभावी वाळू लागली आहेत. ‘वारणा नदीचे पाणी शेतकऱ्यांच्या उशाला, कोरड मात्र पिकांना’ अशी शेतकऱ्यांची अवस्था झाली आहे.

या वर्षी उद्‌भवलेल्या महापूर परिस्थितीमुळे विशेषतः वारणा नदीकाठ परिसरातील उसाचे मोठे नुकसान झाले होते. महापूर परिस्थितीत शिराळा तालुक्याच्या पश्‍चिम-उत्तर भागात सध्या ऊसतोडणीने जोर धरला आहे  बिळाशी परिसरासह वधसवाडी, कुसाईवाडी, दुरुंदेवाडी, मांगरुळ, बेलेवाडी, शिंदेवाडी, रिळे, पावलेवाडी, अस्वलेवाडी, फुपेरे, कणदूर, शिराळे खुर्द आदी गावांतील बहुतांश शेतकरी विनापाणीच पिके तोडू लागले आहेत. 

महापूर ओसरल्यानंतर महावितरण वीजपुरवठा सुरळीत करेल, अशी अपेक्षा अनेक शेतकऱ्यांना होती. मात्र अजूनही वितरण विभागाने विशेष लक्ष न दिल्याने पिके पाण्याअभावी वाळू लागली आहेत. त्याचा फटका म्हणून उसाच्या वजनात मोठी घट होऊ लागली आहे. महावितरणने काही ठिकाणी कामे सुरू केली असली तरी कामाचा वेग संथ आहे.

शेतकऱ्यांची अर्थकारण विस्कळीत

ऊस हे नगदी पीक आहे. त्यामुळे शेतकरी आपले वार्षिक आर्थिक नियोजन त्या पिकांवर करत असतो. सध्या ऊस पीक रणरणत्या उन्हाने परिपूर्ण सुकले आहे. त्याला सध्या पाण्याची नितांत गरज होती. परंतु वेळेत त्यास पाणीपुरवठा न झाल्याने शेतकऱ्यांना ऊस पिकाच्या उताऱ्याचा (टनेजचा) मोठा धोका सहन करावा लागत आहे. त्यांची आर्थिक घडीच विस्कळीत झाली आहे.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com