खानदेशात जलसाठा घटू लागला

जळगाव ः खानदेशात गेल्या काही दिवसांमध्ये रब्बी, उन्हाळ पिकांसाठी प्रकल्पांमधून सोडलेले आवर्तन, उष्णता आदी कारणांमुळे एकूण जलसाठा ३२ टक्के एवढा झाला आहे. आता धरणसाठा वाढण्यासाठी जोरदार पावसाची प्रतीक्षा शेतकऱ्यांना आहे.
Water reserves in Khandesh started declining
Water reserves in Khandesh started declining

जळगाव ः खानदेशात गेल्या काही दिवसांमध्ये रब्बी, उन्हाळ पिकांसाठी प्रकल्पांमधून सोडलेले आवर्तन, उष्णता आदी कारणांमुळे एकूण जलसाठा ३२ टक्के एवढा झाला आहे. आता धरणसाठा वाढण्यासाठी जोरदार पावसाची प्रतीक्षा शेतकऱ्यांना आहे. 

जळगाव जिल्ह्यातील सर्वात मोठ्या गिरणा धरणातील साठा ३१ टक्क्यांपेक्षा कमी झाला आहे. या प्रकल्पाची क्षमता १८ टीएमसी एवढी आहे. वाघूर (ता.जामनेर) प्रकल्पाची क्षमता आठ टीएमसी आहे. त्यातही ३३ टक्के जलसाठा राहिला आहे. हतनूर (ता. भुसावळ) या तापी नदीवरील मध्यम प्रकल्पांतील जलसाठा ३० टक्केच राहिला आहे. गिरणा, वाघूर व हतनूर प्रकल्पांवर विविध शहरांचा पाणीपुरवठा अवलंबून आहे. वाघूर प्रकल्पातून जळगाव व जामनेर शहर आणि औद्योगिक वापरासाठी पाणी दिले जाते. गिरणा धरणातून मनमाड (जि.नाशिक), जळगाव जिल्ह्यातील चाळीसगाव, पाचोरा व भडगाव शहरांसाठी पाणी योजना राबविलेल्या आहेत. 

सुमारे १२० गावांमधील टंचाई निवारणासाठी या धरणातून पाणी सोडावे लागते. रब्बीसाठीदेखील गिरणा धरणातून तीनदा आवर्तन सोडले आहे. चाळीसगाव, पाचोरा, एरंडोल, धरणगाव, भडगाव तालुक्यातील २१ हजार हेक्टर क्षेत्राला या धरणातून पाणी सोडले होते. 

अनेरमधून उन्हाळ पिकांना पाणी 

धुळ्यातील मालनगाव, सोनवद, बुराई, पांझरा, अनेर या प्रकल्पांमधील साठा ३५ टक्क्यांपेक्षा कमी आहे. अनेर प्रकल्पातून रब्बीसह उन्हाळ पिकांसाठी पाणी दिले आहे. पांझरा प्रकल्पातून धुळे शहरासह इतर गावांना पिण्याचे पाणी दिले जाते. धुळे, साक्री व शिंदखेड्यात रब्बीसाठी पाणी दिले जाते.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com