अमेरिकन डुकरांचे मांस आणि उत्पादन आयातीला भारताची सहमती

वृत्तसंस्था - भारताने अमेरिकन डुकरांचे मांस (Pork) आणि त्यापासून तयार झालेल्या उत्पादनांच्या आयातीला सहमती दर्शवली आहे. यामुळे अमेरिकन कृषी व्यापारातील दीर्घकालीन अडथळा दूर झाला आहे, असे अमेरिकन व्यापार प्रतिनिधी कॅथरीन टाय आणि कृषी सचिव टॉम विल्सॅक यांनी सोमवारी (ता.१०) सांगितले. 

हेही वाचा - कृषी तंत्रज्ञान क्षेत्रातील गुंतवणूक १ अब्ज डॉलर्सवर !

रॉयटर्स या वृत्तसंस्थेने या बाबतचे वृत्त दिले आहे. अमेरिकन डुकरांचे मांस पहिल्यांदाच आयात करण्यास परवानगी देणारा भारताचा करार ही अमेरिकन उत्पादक (American Producer) आणि भारतीय ग्राहकांसाठी (Indian Custmer) चांगली बातमी आहे, असे टाय यांनी एका निवेदनात म्हटले आहे. अमेरिकन पोर्क उद्योग (Pork Industry) शक्य तितक्या लवकर भारतात उत्पादनांची निर्यात करू शकेल, असा अमेरिकेचा प्रयत्न असल्याचे विल्सॅक यांनी म्हटले आहे. 

हेही वाचा - केंब्रिज विद्यापीठात शोधले गवतवर्गीय पिकांच्या कलमीकरणाचे नवे तंत्र

जागतिक बाजारातील अमेरीकेे स्थान -   डुकरांचे मांस आणि उत्पादनांच्या ७.७ अब्ज अमेरिकन डॉलर्सची विक्री अमेरिकेने केली होती. २०२० मध्ये डुकरांचे मासं उत्पादनात अमेरीका हा जगातील तिसरा आणि दुसरा सर्वात मोठा निर्यातदार देश होता. २०२१ आर्थिक वर्षात अमेरिकेने भारताला १.६ अब्ज डॉलर्सपेक्षा जास्त कृषी उत्पादनांची निर्यात केली होती.  

व्हिडीओ पाहा -  

गेल्यावर्षी नोव्हेंबरमध्ये दिल्ली येथे झालेल्या भारत-अमेरिका ट्रेड पॉलिसी फोरममध्ये मध्ये भारत आणि अमेरिकेमध्ये कृषी उत्पादनांच्या व्यापार विस्तारावर सहमती झाली होती. ज्यामध्ये अमेरिकेच्या चेरी, अल्फाल्फा, वाळवलेले धान्यासह भारतीय आंबा, द्राक्ष, कोळंबी आणि म्हशीचे मांस याचा समावेश आहे. पंतप्रधान नरेंद्र मोदी (Narendra Modi) यांनी सप्टेंबरमध्ये वॉशिंग्टनमध्ये राष्ट्राध्यक्ष जो बायडेन (Joe Biden) यांची भेट घेतली होती. यावेळी दोन्ही नेत्यांनी जगातील सर्वात मोठ्या आणि श्रीमंत लोकशाहीमधील संबंध मजबूत करण्यासाठी व्यापार संबंध वाढीस सहमती दर्शविली होती.