लासलगावात शेतकऱ्यांकडून दीड तास कांदा लिलाव बंद

नाशिक: लासलगाव कृषी उत्पन्न बाजार समितीतीतून(APMC) ट्रॅक्टर चोरीला गेला. ही घटना सोमवारी ( ता.२८) रात्री घडली. या बाबत शेतकऱ्याने बाजार समिती प्रशासनाकडे धाव घेतली. यावेळी संतप्त शेतकऱ्यांनी (Farmer) सोमवारी सकाळी १०.३५ वाजता बाजार आवारात लिलाव बंद पाडले. अखेर दीड तासाने वातावरण निवळल्यानंतर लिलाव पूर्ववत झाले.

टाकळी विंचूर येथील शेतकरी सुरेश आबाजी काळे यांनी नवा ट्रॅक्टर व कांद्याची भरलेली ट्रॉली सोमवारी छत्रपती शिवाजी महाराज नवीन कांदा बाजार (Onion Market) आवारात लावला. ते घरी निघून गेले. सकाळी पुन्हा बाजार समितीत (Market committee) आल्यानंतर ट्रॅक्टर दिसून आला नाही. यावर ट्रॅक्टर चोरी गेल्याचे लक्षात आले. सकाळी संतप्त शेतकऱ्यांनी शेतमाल (Agriculture) लिलाव बंद पाडले. आवाराच्या मुख्य प्रवेशद्वारावरच गर्दी केली होती. यामुळे काहीसा तणाव निर्माण झाला होता. जोपर्यंत ट्रॅक्टर सापडत नाही, तोपर्यंत लिलाव सुरू होऊ देणार नाही, अशी भूमिका शेतकऱ्यांनी (Farmer) घेतली.

बाजार समितीने संबंधित शेतकऱ्याची (Farmer) समजूत काढली. त्यानंतर पुन्हा लिलाव पूर्ववत झाले. मुख्य प्रवेशद्वार बंद केल्याने नव्याने कांदा (Onion) लिलावासाठी येणारे व लिलाव होऊन बाहेर जाणारे ट्रॅक्टर अडकून पडले. वाहनांच्या दुतर्फा रांगा लागल्या होत्या.