agriculture news in marathi, urad rate below MSP, Maharashtra | Agrowon

उडदालाही मिळेना हमीभाव
टीम अॅग्रोवन
बुधवार, 12 सप्टेंबर 2018


उडदाला प्रतिक्विंटलसाठी ५६०० चा हमीभाव आहे. तर मुगाला ६९७५ रुपये हमीभाव केंद्राने जाहीर केला. यापेक्षा कमी दरात खरेदी कशी सुरू आहे. हा प्रकार बंद व्हावा. शासनाने आपले हमीभाव खरेदी केंद्र तातडीने सुरू करावेत. 
- सोपान पाटील, नेते, राष्ट्रवादी किसान सभा

जळगाव ः मुगानंतर आता उडदाचे उत्पादन घरात आले आहे, त्यातच हमीभावाच्या मुद्द्यावरून ठप्प असलेले काही बाजार समित्यांचे कामकाज हवे तसे गतिमान झालेले नाही. परंतु जळगाव बाजार समितीत मात्र सोमवारी (ता. १०) मूग व उडदाचे जिल्हा उपनिबंधक कार्यालयाशी संबंधित अधिकाऱ्यांच्या उपस्थितीत लिलाव झाले. या वेळी उडदाला केंद्राने प्रतिक्विंटल ५६०० रुपये दर जाहीर केला असताना, खासगी बाजारात ४००० ते ४५०० रुपये दर देण्यात आले. 
 

हमीभावापेक्षा कमी दरात कशी खरेदी करता येईल, असे बाजार समित्यांमधील अडतदार, व्यापारी यांनी म्हटले होते. जोपर्यंत शासन शेतीमाल हमीभावापेक्षा कमी दरात खरेदीची हमी देत नाही, तोपर्यंत बाजार समितीत खरेदी सुरळीत होणार नाही, असा पवित्राच जणू व्यापाऱ्यांनी घेतला होता. त्यावर जिल्हा उपनिबंधक कार्यालयाने कमी दर्जाच्या शेतीमालाची (नॉन एफएक्‍यू) हमीभावापेक्षा कमी दरात खरेदी करता येईल. त्यासाठी संबंधित शेतकऱ्याचे संमतीपत्र लिहून घ्यावे, असे स्पष्टपणे एका बैठकीत अडतदार, व्यापाऱ्यांना सांगितले होते. त्यानुसार सोमवारी जळगावात लिलाव पार पडले. ज्या शेतकऱ्यांचा मूग, उडीद हमीभावापेक्षा कमी दरात खरेदी केला, त्या शेतकऱ्यांचे संमतीपत्र लिहून घेण्यात आले. उडदाची सुमारे २०० क्विंटल तर मुगाची ३५० क्विंटल आवक झाली होती, अशी माहिती मिळाली. 

मंगळवारीही (ता. ११) लिलाव सुरू झाले. त्यात हमीभाव कुठल्याही शेतीमालास मिळू शकला नाही, अशी माहिती सूत्रांनी दिली. 

खानदेशातील नंदुरबार, पाचोरा, जळगाव, चाळीसगाव, चोपडा, शिरपूर या प्रमुख बाजार समित्यांमध्ये धान्य खरेदी सुरू झाली असून, तेथेही संमतीपत्र लिहून घेऊन मूग व उडदाची खरेदी केल्याचे सांगण्यात आले. 

व्यापाऱ्यांना हवीलेखी हमी
यावल, चोपडा, चाळीसगाव, शहादा, शिरपूर येथील काही अडतदार, व्यापाऱ्यांनी आपल्याला शासनाने हमीभावापेक्षा कमी दरात शेतीमाल खरेदीसंबंधी लेखी हमी, परिपत्रक द्यावे, अशी भूमिका कायम ठेवली असून, लिलावात सहभाग घेणे टाळले आहे.

 

इतर अॅग्रो विशेष
अण्वस्त्रांविषयी वाचाळता कशासाठी? अण्वस्त्रांचा प्रथम वापर न करण्याच्या (नो फर्स्ट...
कृषी परिवर्तनाची नांदीनरेंद्र मोदी यांनी आपल्या पंतप्रधान पदाच्या...
कृषी ‘एमएस्सी’ प्रवेशात भेदभाव नको:...पुणे  : गुणवत्ता यादीत असूनही पदव्युत्तर (...
जमीन मोजणीच्या नोटिसा झाल्या डिजिटल पुणे : राज्यातील तलाठी कार्यालयांकडील जमीन...
सांगलीच्या दुष्काळी पट्ट्यात...सांगली ः जिल्ह्यातील आटपाडी, कवठेमहांकाळ आणि जत...
महापुराच्या पाण्याने कृष्णा-कोयनेचा...कऱ्हाड, जि. सातारा : कृष्णा-कोयना नद्यांना...
पन्नास हजारांवर पशुधन डोळ्यांदेखत गेले...कोल्हापूर/सांगली : शेतकऱ्यांच्या ...
सांगली : पूरबाधीत सहकारी सोसायट्यांना ‘...सांगली ः ग्रामीण अर्थव्यवस्थेचा कणा असलेल्या...
राज्यात हलक्या पावसाचा अंदाजपुणे : पावसाने काहीशी उघडीप दिल्याने राज्यात...
कृत्रिम पावसाच्या नुसत्याच अवकाशात...सोलापूर : राज्यातील दुष्काळी परिस्थितीचा सामना...
बागलाण तालुक्यात पूर्वहंगामी...नाशिक ः पूर्वहंगामी अर्ली द्राक्ष उत्पादनासाठी...
नांदेड, परभणी जिल्ह्यात गुलाबी बोंड...परभणी: परभणी, नांदेड जिल्ह्यांतील बीटी कपाशीवरील...
राज्यात पावसाची उघडीपपुणे : ऑगस्ट महिन्याच्या सुरवातीला मुसळधार...
कोल्हापूर, सांगली जिल्ह्यातील ऊस...कोल्हापूर : साखर कारखाने म्हटले की सर्वांच्या...
परभणी दुग्धशाळेतील संकलनात सव्वादोन लाख...परभणीः शासकीय दूध योजनेअंतर्गत परभणी येथील...
आवळा प्रक्रिया उद्योगातून बनविली ओळखजाचकवस्ती (ता. इंदापूर, जि. पुणे) येथील सुमन...
फळबागेतून शेती केली किफायतशीरकनका बुद्रुक (ता. मेहकर, जि. बुलडाणा) शिवारात...
युवा शेतकऱ्याने केले यशस्वी ब्रॉयलर...लातूर जिल्ह्यातील हडोळती येथील महेश गोजेवाड या...
मराठवाड्यातील खरिपावर संकटाचे ढग गडदऔरंगाबाद : गेल्या हंगामात दुष्काळाने पिचलेल्या...
दक्षिण महाराष्ट्रात उसाचे वैभव लयालाकोल्हापूर/सांगली : पंचगंगा, कृष्णा, वारणा,...