जळगाव जिल्ह्यात ऑनलाइन नोंदणीचा ‘सर्व्हर डाउन`

जळगाव जिल्ह्यात ऑनलाइन नोंदणीचा ‘सर्व्हर डाउन`
जळगाव जिल्ह्यात ऑनलाइन नोंदणीचा ‘सर्व्हर डाउन`

जळगाव : जिल्ह्यात कडधान्य खरेदीसंबंधीची ऑनलाइन नोंदणी पाचोरा, अमळनेर, जळगाव येथे सुरू आहे. परंतु किचकट प्रक्रियेमुळे नोंदणी वेळेत होत नसल्याची स्थिती आहे. सर्व्हर डाऊन असते. त्यातच वेळ जातो. यामुळे रात्री उशिरापर्यंत संबंधित केंद्रात काम सुरू आहे.

जिल्ह्यात कडधान्य खरेदीसंबंधी सबएजंट म्हणून पाचोरा येथे भडगाव शेतकी संघ, अमळनेर येथेही शेतकरी संघ आणि जळगावात ‘अ` वर्ग सहकारी संस्था म्हणून ओळख असलेल्या कृषी औद्योगिक सहकारी संस्थेची नियुक्ती झाली आहे. याच संस्थांच्या विविध कार्यालयांमध्ये ऑनलाइन नोंदणी करून घ्यायची आहे. शेतकऱ्यांना नोंदणीसाठी उपस्थित राहायचे नाही. त्यांच्याकडून फक्त अर्ज स्वीकारले जात आहेत. त्यात बॅंक खाते क्रमांकासंबंधी पासबुकची झेरॉक्‍स, आधार कार्डची झेरॉक्‍स, सातबारा उतारा (पीक नोंदीचा) घेतले जात आहेत.

काही शेतकऱ्यांनी हे अर्ज चार दिवसांपूर्वी केंद्रात दिले, परंतु नोंदणी झाली, यासंबंधीचा संदेश भ्रमणध्वनीवर आलेला नाही. त्यामुळे नोंदणीबाबत शेतकऱ्यांमध्ये संभ्रम आहे. त्यासाठी शेतकऱ्यांना वारंवार हेलपाटे मारावे लागत असून आर्थिक झळ पोचत आहे.

संदेश मिळाल्याशिवाय शेतकऱ्यांकडून खरेदी केंद्रात धान्य खरेदी केली जात नाही. यासंदर्भात एका केंद्रातील वरिष्ठ अधिकाऱ्यास विचारले. ते म्हणाले, ‘‘एक अर्ज अपलोड करायला २० मिनिटे लागतात. रात्री उशिरापर्यंत कामकाज करावे लागते. नोंदणीची अडचण दुपारी येते. सर्व्हर डाऊन होते.``

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com