PM Kisan : ‘शेतकरी सन्मान’चे राज्यात १ कोटी १० लाख लाभार्थी

पंतप्रधान शेतकरी सन्मान योजनेअंतर्गत राज्यात एकूण १ कोटी १० लाख लाभार्थ्यांच्या खात्यात एकूण ११ हप्त्यांत २० हजार २३५ कोटी रुपये जमा झाले आहेत.
PM Kisan
PM KisanAgrowon

औरंगाबाद ः ‘‘पंतप्रधान शेतकरी सन्मान योजनेअंतर्गत (PM Kisan Scheme) राज्यात एकूण १ कोटी १० लाख लाभार्थ्यांच्या खात्यात एकूण ११ हप्त्यांत २० हजार २३५ कोटी रुपये जमा झाले आहेत. ११ लाख ३९ हजार नवीन लाभार्थ्यांची माहिती अपलोड करण्यात आली आहे,’’ अशी माहिती कृषिमंत्री अब्दुल सत्तार (Abdul Sattar) यांनी दिली.

PM Kisan
Pm Kisan : धुळे जिल्ह्यात ९३ हजार शेतकऱ्यांचे ई-केवायसी बाकी

केंद्रीय कृषिमंत्री नरेंद्रसिंह तोमर (Narendra Singh Tomar) यांच्या अध्यक्षतेखाली पंतप्रधान शेतकरी सन्मान योजनेसंबंधीची दूरदृश्‍यप्रणालीद्वारे बैठक बुधवारी (ता.३१) झाली. या वेळी सत्तार बोलत होते. सत्तार, विभागीय कृषी सहसंचालक दिनकर जाधव, सांख्यिकीय विभागाचे गणेश घोरपडे यांच्यासह विविध राज्यांतील कृषिमंत्र्यांची उपस्थित होते.

PM Kisan
PM Kisan : शेतकऱ्यांनी ई-केवायसी करावी

सत्तार म्हणाले, ‘‘राज्यातील पात्र लाभार्थ्यांची ई-केवायसी प्रमाणीकरण करण्यासाठी ग्राम पातळीवर मोहीम राबविली जात आहे. आजवरच्या कालावधीत ४ लाख ४२ हजार शेतकऱ्यांचे ई-केवायसी प्रमाणीकरण करण्यात आले आहे. उर्वरित ३९ लाख १३ हजार लाभार्थ्यांशी संपर्क करून त्यांचे ई-केवायसी प्रमाणीकरण १०० टक्के करून घेत आहोत. शेतकऱ्यांचा डाटा बेस तयार करणे सुरू आहे. ११ लाख ३९ लाभार्थ्यांचा डाटा अपलोड केला आहे.’’

ई- केवायसीला मुदतवाढ

राज्यातील अधिकाधिक शेतकऱ्यांना शेतकरी सन्मान योजनेत समाविष्ट करण्याचे उद्दिष्ट आहे. त्यामुळे सर्व राज्यांच्या मागणीनुसार, ई-केवायसी करण्यासाठी मुदतवाढ देण्यात येत असल्याचे तोमर यांनी सांगितले.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com