PM Kisan Scheme रत्नागिरी ः केंद्र शासनाच्या पंतप्रधान शेतकरी सन्मान (PM Kisan Scheme) निधी या योजनेतंर्गत अनेक शेतकरी यांनी ऑनलाइन पद्धतीने नोंदणी (PM Kisan Online Registration) करून वार्षिक ६ हजार रुपये प्राप्त करीत आहेत.
या योजनेच्या लाभर्थ्यांना थेट त्यांच्या खात्यात रक्कम जमा होत असल्याने बॅंक खाते आधार लिंक (Aadhar Linking) असणे आवश्यक आहे, त्याशिवाय लाभर्थ्यांना या योजनेचा १३ वा हफ्ता मिळणार नाही.
रत्नागिरी तालुक्यातील एकूण लाभार्थींपैकी तब्बल ६ हजार ०७७ इतक्या लाभार्थी यांची बॅंक खाती आधार लिंक नसल्याचे कळविण्यात आलेले आहेत.
या लाभर्थ्यांनी पंतप्रधान शेतकरी योजनेसाठी दिलेले आपले बॅंक खाते आधार लिंक करण्यासाठी तत्काळ आपले बॅंक खाते असलेल्या शाखेत जाऊन आधार लिंक करून घ्यावे.
ज्यांचे बॅंक खाते आधार लिंक नाही, त्या लाभनर्थ्यांची गावनिहाय यादी सरपंच, तलाठी, ग्रामसेवक, कृषी सहायक यांना देण्यात आलेले आहेत.
त्यांच्याकडून आपल्या नावाची खात्री करून बॅंक खाते आधार लिंक करून घ्यावे असे आवाहन तहसीलदार शशिकांत जाधव यांनी तालुक्यातील लाभार्थ्यांना केले आहे.
लाभार्थ्यांचे आधार लिंक नसेल तर झिरो बॅलन्सवर नजीकच्या पोस्ट ऑफीसमधून पोस्टल बॅंकांमध्ये बॅंक खाते उघडू शकता. यापैकी कोणत्याही मार्गाने लाभार्थी बॅंक खाते आधार लिंक करू शकतात. शासकीय फी आकारण्यात येणार नाही, असे जाधव यांनी सांगितले.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
