Banana Crop Insurance : केळी पीकविम्याची रक्कम कर्जखात्यात वर्ग करू नये

केळी पीकविम्याची रक्कम गुरुवारपासून (ता. १) विमा कंपनीने शेतकऱ्यांच्या खात्यात जमा करण्यास सुरुवात केली आहे. मात्र ही रक्कम कर्ज खात्यात वर्ग न करता शेतकऱ्यांना द्यावी, अशा आशयाचे निवेदन नायब तहसीलदार रवींद्र माळी यांना देण्यात आले.
Banana Crop Insurance
Banana Crop InsuranceAgrowon

चोपडा, जि. जळगाव : केळी पीकविम्याची (Banana Crop Insurance) रक्कम गुरुवारपासून (ता. १) विमा कंपनीने शेतकऱ्यांच्या खात्यात जमा करण्यास सुरुवात केली आहे. मात्र ही रक्कम कर्ज (Agriculture Loan) खात्यात वर्ग न करता शेतकऱ्यांना द्यावी, अशा आशयाचे निवेदन नायब तहसीलदार रवींद्र माळी यांना देण्यात आले.

Banana Crop Insurance
Crop Damage : साडेसात लाख अतिवृष्टीग्रस्त शासकीय मदतीच्या प्रतीक्षेत

निवेदनात म्हटले, की केळीसाठी घेतलेले पीककर्ज भरून शेतकऱ्यांनी नवीन पीककर्ज घेतले. त्या कर्जाची परतफेडीची मुदत पुढील वर्षी असताना काही बँका त्या कर्ज खात्यात ती रक्कम जमा करून घेत असल्याने शेतकऱ्यांना आता त्यांच्या पिकांना व दैनंदिन कामासाठी लागणाऱ्या खर्चासाठी हातातील हक्काचा पैसा गेल्याने अडचणी येत आहेत.

Banana Crop Insurance
Banana Rate : देशी केळीला अपेक्षित दर नाहीच

दुर्दैवाने आता केळीचे नुकसान झाले व शेतकरी थकबाकीदार झाला तर पुढील विमा जो चालू कर्जासाठी बँकेने काढला आहे, त्यातून ते कर्ज वसूल होऊ शकते. त्यामुळे बँकेचे कुठलेही नुकसान नाही. तरी बँका शेतकऱ्यांना छळत आहेत. जिल्ह्यातील बऱ्याचशा बँका व पतपेढी या रिझर्व्ह बँकेच्या साऱ्या नियमांचे व कायदेशीर गोष्टींचे पालन न करता कर्जदार शेतकऱ्यांकडे सावकारी पद्धतीने तीन, चार कर्मचारी रोज पाठवून शेतकऱ्यांना हैराण करीत आहेत.

त्यामुळे शेतकरी चिंतेत आहेत. त्यासाठी जिल्हाधिकाऱ्यांनी तत्काळ बँकांना निर्देश द्यावेत, असेही निवेदनात म्हटले आहे. निवेदनावर एस. बी. पाटील, नितीन निकम, भागवत महाजन, हारून बागवान, दीपक धनगर, मेहमूद बागवान, गुलाबराव निकम यांच्या स्वाक्षऱ्या आहेत.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com