Farm Pond Scheme : सामूहिक शेततळे योजनेसाठी अर्ज करण्याचे आवाहन

एकात्मिक फलोत्पादन विकास अभियानांतर्गत सन २०२२-२३ साठी सामूहिक शेततळे योजना राबविण्यात येत आहे. यासाठी इच्छुक शेतकऱ्यांनी अर्ज करावे, असे आवाहन करण्यात आले आहे.
Farm Pond
Farm PondAgrowon

बुलडाणा : एकात्मिक फलोत्पादन विकास अभियानांतर्गत सन २०२२-२३ साठी सामूहिक शेततळे योजना (Farm Pond Scheme) राबविण्यात येत आहे. यासाठी इच्छुक शेतकऱ्यांनी अर्ज करावे, असे आवाहन करण्यात आले आहे.

Farm Pond
Agriculture Subsidy : शेततळे, रोपवाटिकेसाठी शेतकऱ्यांना मिळणार अनुदान

सामूहिक शेततळे घटक फलोत्पादन पिकासाठी संरक्षित सिंचनाची सुविधा निर्माण करणे आणि दुष्काळी भागामध्ये फलोत्पादन पिकांच्या क्षेत्र विस्तारासाठी सिंचन सुविधा निर्माण करण्यासाठी १०० टक्के अनुदानावर राबविण्यात येणार आहे. या घटकाचा लाभ घेण्यासाठी शेतकरी समूहाकडे फलोत्पादन पीक असणे आवश्यक आहे.

Farm Pond
Farm Pond : शेततळ्यासाठी ७५ हजारापर्यंत अनुदान

यातील पात्र शेतकऱ्यांना सामूहिक शेततळे घटकासाठी आकारमाननिहाय अनुदान देय राहणार आहे. ३४×३४×४.७० मीटर आकाराच्या सामूहिक शेततळ्यासाठी दोन हेक्टर ते पाच हेक्टर किंवा त्यापेक्षा जास्त फलोत्पादन क्षेत्र असणे आवश्यक आहे. यासाठी तीन लाख ३९ हजार रुपये अनुदान देण्यात येणार आहे. २४×२४×४ मीटर आकाराच्या सामूहिक शेततळ्यासाठी एक हेक्टर ते दोन हेक्टर फलोत्पादन क्षेत्र असणे आवश्यक आहे. यासाठी एक लाख ७५ हजार रुपये अनुदान देण्यात येणार आहे.

या योजनेच्या लाभ घेऊ इच्छ‍िणाऱ्या शेतकऱ्यांनी mahadbtmahait.gov.in या पोर्टलवर सिंचन सुविधा या घटकाखाली अर्ज करावेत, अधिक माहितीसाठी कृषी कार्यालयाशी संपर्क साधावा, असे आवाहन जिल्हा अधीक्षक कृषी अधिकारी एस. जी. डाबरे यांनी केले आहे.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com