Pm Kisan : धुळे जिल्ह्यात ९३ हजार शेतकऱ्यांचे ई-केवायसी बाकी

या योजनेअंतर्गत पात्र असलेल्या लाभार्थी शेतकऱ्यांनी ई- केवायसी करणे बंधनकारक आहे. लाभार्थी शेतकऱ्यांना ई-केवायसीसाठी शासनाकडून ‘ओटीपी’ किंवा ‘बायोमेट्रिक’, असे दोन पर्याय उपलब्ध करून दिले आहेत.
PM Kisan
PM KisanAgrowon

धुळे ः प्रधानमंत्री किसान सन्मान योजनेच्या (Kisan Sanman Nidhi Yojana) लाभासाठी ३१ ऑगस्ट २०२२ पर्यंत ई- केवायसी (PM Kisam e-KYC) करणे बंधनकारक आहे, अन्यथा या योजनेचा लाभ मिळणार नाही, असे जिल्हा अधीक्षक कृषी अधिकारी विठ्ठल जोशी यांनी प्रसिद्धीस दिलेल्या शासकीय पत्रकान्वये कळविले आहे. धुळे जिल्ह्यात योजनेच्या एकूण लाभार्थींपैकी ९३ हजार ७७३ शेतकऱ्यांची ई-केवायसी प्रक्रिया बाकी आहे.

PM Kisan
PM Kisan : ‘शेतकरी सन्मान’च्या केवायसीसाठी ३१ ऑगस्टपर्यंत विशेष मोहीम

या योजनेअंतर्गत पात्र असलेल्या लाभार्थी शेतकऱ्यांनी ई- केवायसी करणे बंधनकारक आहे. लाभार्थी शेतकऱ्यांना ई-केवायसीसाठी शासनाकडून ‘ओटीपी’ किंवा ‘बायोमेट्रिक’, असे दोन पर्याय उपलब्ध करून दिले आहेत. या योजनेअंतर्गत पात्र शेतकऱ्यांना दोन हजार रुपये प्रतिहप्ता याप्रमाणे दरवर्षी तीन हप्त्यात सहा हजार रुपये त्यांच्या आधार लिंक बँक खात्यात जमा केले जातात.

धुळे जिल्ह्यातील एक लाख ८८ हजार ८१९ लाभार्थी शेतकऱ्यांपैकी ९३ हजार ७७३ लाभार्थी शेतकऱ्यांनी ई-केवायसी प्रक्रिया पूर्ण केलेली नाही. जिल्ह्यात आतापर्यंत ९५ हजार ४६ शेतकऱ्यांनी ई-केवायसीची प्रक्रिया पूर्ण केली आहे. या योजनेअंतर्गत ११ हप्त्यांमध्ये प्रतिदोन हजार रुपयांचा लाभ शेतकऱ्यांना देण्यात आला आहे. पुढील १२ व्या हप्त्यासाठी पात्र शेतकऱ्यांनी ई-केवायसी करून घ्यावी, अन्यथा अनुदान मिळणार नाही. त्यामुळे उर्वरित सर्व पात्र लाभार्थी शेतकऱ्यांनी ३१ ऑगस्ट २०२२ पर्यंत ई-केवायसी प्रक्रिया पूर्ण करावी, असे आवाहन जिल्हा अधीक्षक कृषी अधिकारी श्री. जोशी यांनी केले आहे.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com