Farmer Incentive Scheme : पन्नास हजार शेतकरी‘प्रोत्साहन’च्या प्रतीक्षेत

राज्य सरकारने वेळेत कर्ज परतफेड करणाऱ्या शेतकऱ्यांना ५० हजारांचे प्रोत्साहन अनुदान जाहीर केल्याप्रमाणे ८४ हजार शेतकऱ्यांची पहिली यादी जाहीर केली.
Farmer Loan Waive
Farmer Loan WaiveAgrowon

सातारा : राज्य सरकारने वेळेत कर्ज परतफेड (Loan Repayment) करणाऱ्या शेतकऱ्यांना ५० हजारांचे प्रोत्साहन अनुदान (Incentive Subsidy) जाहीर केल्याप्रमाणे ८४ हजार शेतकऱ्यांची पहिली यादी जाहीर केली. त्यानुसार शेतकऱ्यांच्या खात्यावर पैसे जमा करण्यास सुरुवात केली. पण या यादीतही शासकीय नोकर कर्जमाफीत (Farmer Loan Waive) बसलेल्या शेतकऱ्यांची नावे आल्याने यादी थांबविली.

Farmer Loan Waive
Farmer Incentive Subsidy : संगमनेरमध्ये पहिल्या टप्प्यात ३५६१ शेतकऱ्यांना अनुदान

त्यामुळे पहिल्या यादीतील केवळ ३४ हजार शेतकऱ्यांच्या खात्यावर पैसे जमा झाले आहेत. उर्वरित ५० हजार शेतकरी अद्याप अनुदानापासून वंचित आहेत. त्यांचा प्रश्‍न सुटल्याशिवाय दुसरी यादी जाहीर होणार नाही. त्यामुळे प्रतीक्षेतील शेतकऱ्यांना एक डिसेंबरपर्यंत प्रतीक्षा करावी लागेल.

Farmer Loan Waive
Farmer Incentive Subsidy : प्रोत्साहनपर योजने अंतर्गत शेतकऱ्यांच्या खात्यात २३ कोटी

वेळेत कर्ज परतफेड करणाऱ्या शेतकऱ्यांना प्रोत्साहन अनुदान देण्याचा निर्णय महाविकास आघाडी सरकारने घेतला होता. मात्र कोरोनाच्या महामारीमुळे त्यांना पैसे जमा करता आले नाहीत. तोपर्यंत महाविकास आघाडीचे सरकार सत्तेतून पायउतार होऊन शिंदे-फडणवीस सरकार सत्तेत आले. त्यांनी महाविकास आघाडी सरकारने घेतलेला हा निर्णय शेतकऱ्यांसाठी पुढे चालू ठेवण्याचा निर्णय घेतला.

जिल्ह्यातील साडेतीन लाख शेतकरी यासाठी पात्र ठरले. त्यापैकी टप्प्याटप्प्याने हे पैसे पात्र शेतकऱ्यांच्या खात्यावर जमा करण्‍याचा निर्णय घेतला. त्यानुसार जिल्ह्यातील ८४ हजार शेतकऱ्यांची पहिली यादी जाहीर झाली. त्यातील शेतकऱ्यांना बॅंक खाते आधारशी लिंक करूनच पैसे जमा करण्यास सुरुवात केली. त्यानुसार ३४ हजार शेतकऱ्यांना प्रोत्साहन अनुदान दिले गेले.

महिनाभराचा कालावधी लागणार

दरम्यान, या यादीत कर्जमाफी मिळालेले काही शेतकरी तसेच शासकीय नोकरदारांचा समावेश झाला. त्यामुळे पुढची यादी थांबवून या यादीतील त्रुटी दूर करण्याची प्रकिया सुरू केली आहे. आता या त्रुटी दूर होऊन पुन्हा उर्वरित शेतकऱ्यांना प्रोत्साहन अनुदान दिले जाईल. त्यानंतर दुसरी पात्र यादी जाहीर होईल. त्यासाठी महिनाभराचा कालावधी लागणार आहे. डिसेंबरमध्ये दुसरी यादी जाहीर होण्याची शक्यता आहे. त्यामुळे शेतकऱ्यांना थोडी वाट पाहावी लागणार आहे.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com