PM Kisan : ‘पीएम किसान सन्मान’ संमेलनाचे आज पंतप्रधानांच्या हस्ते उद्‌घाटन

नवी दिल्ली ः येथील भारतीय कृषी संशोधन संस्थेत दोन दिवसीय ‘पीएम किसान सन्मान संमेलन २०२२’चे पंतप्रधान नरेंद्र मोदी सोमवारी (ता. १७) सकाळी उद्‌घाटन करणार आहेत.
PM Kisan
PM KisanAgrowon

नवी दिल्ली ः येथील भारतीय कृषी संशोधन संस्थेत दोन दिवसीय ‘पीएम किसान सन्मान संमेलन २०२२’चे (PM Kisan Sammelan 2022) पंतप्रधान नरेंद्र मोदी (Narendra Modi) सोमवारी (ता. १७) सकाळी उद्‌घाटन करणार आहेत. या कार्यक्रमात देशभरातील १३,५०० हून अधिक शेतकरी आणि सुमारे १५०० अॅग्री स्टार्टअप (Agriculture Startup) एकत्र येणार आहेत, असे शनिवारी (ता. १६) एक अधिकृत निवेदन प्रसिद्ध करण्यात आले.

विविध संस्थांमधून एक कोटींहून अधिक शेतकरी या कार्यक्रमाला आभासी पद्धतीने उपस्थित राहण्याची अपेक्षा आहे. या संमेलनात संशोधक, धोरणकर्ते आणि इतर भागधारकांचाही सहभाग असेल. रसायने आणि खते मंत्रालयाच्या अंतर्गत ६०० पंतप्रधान किसान समृद्धी केंद्रांचे उद्‌घाटन पंतप्रधान करणार आहेत.

PM Kisan
PM Kisan : पीएम किसान योजनेत ९९ हजार शेतकऱ्यांचे ‘केवायसी’ अपूर्णच

या योजनेअंतर्गत देशातील खतांची किरकोळ दुकाने टप्प्याटप्प्याने या योजनेमध्ये रूपांतरित केली जातील. याद्वारे शेतकऱ्यांच्या विविध प्रकारच्या गरजा पूर्ण करेल आणि कृषी निविष्ठा (खते, बियाणे, अवजारे) पुरवेल. तसेच माती, बियाणे आणि खतांसाठी चाचणी सुविधा; शेतकऱ्यांमध्ये जागरूकता निर्माण करणार आहे.

PM Kisan
PM Kisan : अमरावती जिल्ह्यातील २३ हजारांवर शेतकरी अपात्र

विविध सरकारी योजनांबाबत माहिती देणे आणि जिल्हा स्तरावरील दुकानांवर किरकोळ विक्रेत्यांची नियमित क्षमता वाढविणार आहे. त्याचबरोबर ३.३ लाखांहून अधिक किरकोळ खतांची दुकाने या योजनेमध्ये रूपांतरित करण्याची योजना आहे.

या कार्यक्रमामध्ये पंतप्रधान ‘भारतीय जन उर्वरक परियोजना- एक देश एक खत’ योजनेचा प्रारंभ करतील. या योजनेअंतर्गत पंतप्रधान भारत युरिया पिशव्यांचे उद्‌घाटन करतील, ज्यामुळे कंपन्यांना ‘भारत’ या सिंगल ब्रँड नावाने खते बाजारात आणण्यास मदत होणार आहे.

या कार्यक्रमात पंतप्रधान मोदी शेतकऱ्यांच्या कल्याणासाठीच्या ‘पंतप्रधान सन्मान योजने’च्या १२ व्या हप्त्याचे १६,००० कोटी रुपये ‘डीबीटी’द्वारे वितरण करणार आहेत.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com