पंतप्रधान नरेंद्र मोदी (Narendra Modi) यांनी १२ मार्च २०२१ पासून भारताच्या स्वातंत्र्याचा ७५ व्या वर्धापन दिनानिमित ७५ आठवड्यांची प्रतीक्षा म्हणून ‘आझादी का अमृत महोत्सव’चे (Azadi Ka Amrut Mahottsav) उद्घाटन केले होते. या उत्सवाचा भाग म्हणून दर आठवड्यात एक नवीन उपक्रम घेण्याची घोषणा करण्यात आली होती.
या आठवड्यात एका नवीन क्रेडिट लिंक्ड पोर्टल ‘जन समर्थ’ या नावाने सुरू करण्यात येणार आहे. त्यासाठी अर्थ आणि कॉर्पोरेट व्यवहार मंत्रालयाकडून वेगवेगळ्या कार्यक्रमाचे आयोजन करण्यात आले आहे. ६ जून रोजी या पोर्टलचे उद्घाटन पंतप्रधान नरेंद्र मोदी यांच्या हस्ते करण्यात येणार आहे.
अर्थ सेवा सचिव संजय मल्होत्रा म्हणाले की, “या कार्यक्रमाच्या पाहिळल्या दिवशी ८ सरकारी विभागांच्या १३ योजनांचे क्रेडिट- लिंक्ड पोर्टल प्रदर्शित करण्यात येणार आहे. या पोर्टलमुळे विविध योजनांवर लाभार्थी लक्ष ठेवू शकतील. पुढे आम्ही त्यात जास्तीत जास्त योजनांचा समावेश करणार आहोत. त्याचबरोबर या पोर्टलला बँकाशी जोडून लाभार्थीसाठी प्रक्रिया सोपी करणार आहोत.”
याशिवाय ८ जून रोजी सर्व जिल्हा कार्यालयात क्रेडिट आउटरीच कार्यक्रम होणार आहे. यामध्ये विविध सरकारी कार्यक्रमांतर्गत नावनोंदणी, सरकारी संरक्षण योजना, क्रेडिट-लिंक्ड योजना आणि आर्थिक साक्षरता यांचा समावेश असेल, असेही मल्होत्रा यांनी सांगितले आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.