Agriculture Technology : अकोल्यातील अभियंत्यांचे शेती अवजारांचे स्टार्टअप

दोघा अभियंता मित्रांच्या नवसंकल्पनांची कानपूर आयआयटीमध्ये घेण्यात आलेल्या स्टार्टअप २०२२ स्पर्धेत देशातील उत्कृष्ट २९ संकल्पनांमध्ये निवड झाली आहे.
Akola Enineers
Akola EnineersAkola

अकोला : येथील अक्षय दीपक कवळे आणि अक्षय रमेश वैराळे या दोघा अभियंता मित्रांच्या नवसंकल्पनांची कानपूर आयआयटीमध्ये (IIT Kanpur) घेण्यात आलेल्या स्टार्टअप (Agriculture Startup 2022) २०२२ स्पर्धेत देशातील उत्कृष्ट २९ संकल्पनांमध्ये निवड झाली आहे. भारत सरकारच्या वाणिज्य व उद्योग मंत्रालयाच्या वतीने राबविण्यात येणाऱ्या ‘स्टार्टअप’ या अभियानामुळे त्यांचे नाव पुढे आले आहे

बीई मेकॅनिकल शिकलेल्या अक्षय वैराळे आणि अक्षय कवळे या दोघांनी अकोला महानगरालगत शिवणी येथे ‘ॲग्रोश्युअर प्रॉडक्टस अँड इनोव्हेशन्स प्रा. लि. अकोला’ या उद्योगाची सुरुवात केली आहे. तेथे शेतीसाठी लागणारी अवजारे तयार केली जातात. ही अवजारे ट्रॅक्टर व विडर (Weeder) यांच्या सहाय्याने चालणारी आहेत.

अल्पभूधारक शेतकऱ्यांना डोळ्यासमोर ठेवून त्यांनी ही अवजारे विकसित केली आहेत. आतापर्यंत त्यांनी अशी ३५ प्रकारची यंत्रे विकसित केली असून गेल्या दोन वर्षांत हे उद्योजक ८०० शेतकऱ्यांपर्यंत आपली उत्पादने पोहोचविण्यात यशस्वी झाले आहेत. त्यात कर्नाटक, आंध्र प्रदेश, तेलंगणा या राज्यांतील शेतकऱ्यांचाही समावेश आहे. कानपूरच्या आयआयटीने भरवलेल्या स्टार्टअप स्पर्धेत या दोघांनी आपली प्रवेशिका पाठवून नावीन्यपूर्ण संकल्पनांचे सादरीकरण केले.

त्यात ५०० जणांच्या संकल्पनांमधून सर्वोत्कृष्ट २९ संकल्पनांची निवड झाली. यामध्ये ‘ॲग्रोश्युअर’ची ही निवड आहे. त्यांना १० लाख रुपयांचे अनुदान मिळाले. त्यांनी मिनी दालमिल, पॉवर विडर, कांदा पेरणी यंत्र, बेड मेकर, मल्चिंग यंत्र आदी अवजारांची निर्मिती केली.

कौशल्य विकास विभागामार्फत जिल्हा नाविन्यता परिषदेकडूनही पाच लाख रुपयांचे अनुदान मिळाले. या युवा उद्योजकांनी आतापर्यंत शेतीसाठी लागणारी विविध प्रकारची ३५ अवजारे विकसित केली आहेत. ही अवजारे डॉ. पंजाबराव देशमुख कृषी विद्यापीठाकडून परीक्षण केली जातात.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com