कापूस पिकासाठी आधुनिक अवजारे, यंत्रे

ट्रॅक्टरचलित कॉटन प्लान्टर ः

- ४५ व त्यापेक्षा जास्त अश्‍वशक्तीच्या ट्रॅक्टरद्वारे चालविता येते.

- या यंत्राद्वारे कापूस, भुईमूग, सोयाबीन, तूर, मका इत्यादी पिकांची पेरणी करता येते.

- एका दिवसात साडेतीन ते ४ हेक्टर क्षेत्रावर टोकण करता येते.

- पेरणीच्या अचूकतेमुळे उत्पादनात १० ते १५ टक्के वाढ होते.

सौरचलित बॅटरी फवारणी यंत्र ः

- फवारणीवेळी सौरऊर्जेवर बॅटरी चार्ज होते.

- या फवारणी यंत्रामध्ये सौरऊर्जेचे रूपांतर विद्युत ऊर्जेत केले जाते.

- या यंत्रासाठी सोलर पॅनल, १२ व्हॉल्टच्या बॅटरीची आवश्यकता असते.

- टाकीची क्षमता- १५ लिटर.

पॉवर विडर ः

- या यंत्राला स्वतंत्र्य रोटाव्हेटर आहे.

- कापूस पिकातील तण काढण्यासाठी उपयुक्त.

- चक्राकार गतीने फिरणारी पाती असल्यामुळे तण निर्मूलन प्रभावीरीत्या होते.

ट्रॅक्टरचलित थ्री-रो विडर ः

- ४५ व त्यापेक्षा जास्त अश्‍वशक्तीच्या ट्रॅक्टरद्वारे चालविता येते.

- या यंत्राला स्वतंत्र रोटाव्हेटर आहे.

- कापूस पिकातील तण काढण्यासाठी उपयुक्त.

- चक्राकार गतीने फिरणारी पाती असल्यामुळे तण निर्मूलन प्रभावीरीत्या करता येते.

ट्रॅक्टरचलित एअर बूम फवारणी यंत्र ः

- कापूस, सोयाबीन, वाटाणा इत्यादी पिकांमध्ये कीटकनाशक आणि तणनाशकांच्या फवारणीसाठी उपयुक्त.

- फवारणीसाठी लागणाऱ्या वेळ, श्रम आणि खर्चात बचत होते.

स्वयंचलित एअर बूम फवारणी यंत्र (हाय ग्राउंड क्लिअरन्स) ः

- कापूस, सोयाबीन, वाटाणा इत्यादी पिकांमध्ये कीटकनाशक आणि तणनाशकांच्या फवारणीसाठी उपयुक्त.

फवारणीच्या वेळ व खर्चात बचत होते.

- हे फवारणी यंत्र हाय ग्राउंड क्लिअरन्सचे असून वरच्या बाजूस बंद केबिन आहे.

ट्रॅक्टरचलित एअर बूम फवारणी यंत्र (हाय ग्राउंड क्लिअरन्स) ः

- कापूस, सोयाबीन, वाटाणा इत्यादी पिकांमध्ये कीटकनाशक आणि तणनाशकांच्या फवारणीसाठी उपयुक्त.

- फवारणीसाठी लागणाऱ्या वेळ, श्रम आणि खर्चात बचत होते.

- लांबी १५ फूट व ११ नोझल.

- टाकीची क्षमता- २०० लिटर.

नॅपसॅक मिस्ट ब्लोअर कम डस्टर ः

- कापूस पिकांवरील कीड व रोगांच्या नियंत्रणासाठी फवारणीसाठी उपयोग केला जातो.

- हे यंत्र हातळण्यास सोपस्कर असून पेट्रोल इंजिनद्वारे चालते.

- पाण्याच्या आणि भुकटीच्या स्वरूपात कीटकनाशकांचा वापर करता येतो.

- फवारणीसाठी लागणाऱ्या वेळेत व खर्चात बचत होते.

- टाकीची क्षमता - ११.५ लिटर

मनुष्यचलित सायकल फवारणी यंत्र ः

- पीक संरक्षणावेळी फवारणीसाठी वापर करता येतो.

- हे फवारणी यंत्र हाताळण्यास अत्यंत सोपे आहे.

- पाण्याच्या आणि भुकटीच्या स्वरूपात कीटकनाशकांचा वापर करता येतो.

- फवारणीसाठीच्या वेळ आणि खर्चात बचत होते.

- टाकीची क्षमता ११.५ लिटर