Poultry Industry Update : चिकनच्या बाजारपेठेत (Chicken Market) असंघटित किरकोळ दुकानदारांचा वाटा ९५ टक्के आहे. मात्र या ठिकाणी अस्वच्छ वातावरणात चिकन विक्री होते.
ही बाब लक्षात घेता महाराष्ट्र पशू व मत्स्य विज्ञान विद्यापीठाने (Maharashtra Animal and Fisheries Science University) स्वच्छ व सुरक्षित चिकन विक्रीसाठी दुकानाचे वेगळे मॉडेल विकसित केले आहे. यास पेटंट देखील मिळाले आहे.
मुंबई पशुवैद्यकीय महाविद्यालयाच्या पशुवैद्यकीय सामूहिक स्वास्थ्य विभागातील तज्ज्ञांच्या मार्गदर्शनाखाली हे संशोधन पूर्ण झाले आहे. उपयोजनेचे प्रमुख डॉ. विलास वैद्य यांनी दिलेल्या माहितीनुसार, कुक्कुटपालन उद्योगात दरवर्षी आठ ते पंधरा टक्के या दराने वाढ होत आहे.
मागील गणनेच्या तुलनेत देशातील एकूण कोंबड्यांच्या संख्येमध्ये १२.३९ टक्के वाढ नोंदविली गेली. भारतीय ग्राहक किरकोळ बाजारातून ताजे चिकन खरेदी करण्यास प्राधान्य देतात. यामध्ये त्यांच्यासमोरच कोंबडी कापली जाते.
दरम्यान ग्राहक आता स्वच्छ वातावरणात प्रक्रिया केलेल्या स्वच्छ चिकनची मागणी करत आहेत. त्यामुळे किरकोळ चिकन विक्रीसाठी स्वच्छ आणि सुरक्षित दुकानाचे मॉडेल ‘माफसू’ने विकसित केले आहे. यामध्ये चिकन खराब होण्याची शक्यता कमी आहे.
त्यामुळे रोगांचा प्रादुर्भाव कमी होतो. तसेच या ‘मॉडेल'ने स्वच्छ चिकन उत्पादनासाठी भारत सरकारच्या अन्नसुरक्षितता आणि भारतीय मानक प्राधिकरणानुसार सर्व आवश्यकता पूर्ण केल्या आहेत.
किरकोळ व्यावसायिकांनी हे युनिट विकत घेतल्यास स्थानिक महानगरपालिका दुकानांच्या नोंदणीसाठी कोणतीही अडचण नाही, असा दावा डॉ.वैद्य यांनी केला आहे.
पशुवैद्यकीय सामूहिक स्वास्थ्य विभाग योजनेचे प्रमुख रवींद्र झेंडे, उपयोजना प्रमुख डॉ. विलास वैद्य, माजी कुलगुरू डॉ. आशिष पातुरकर, दिनेश चव्हाण यांनी या संशोधनामध्ये योगदान दिले आहे.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
